活動將會喺2025年12月14日(星期日)舉行。活動時間係上午10點至下午大約5點，參加者需要喺當日上午9點45分，喺黃大仙地鐵站D出口(即係第四個英文字母)出閘位集合，收費方面，會員每位$100，同行者每位$150，非會員每位$230。活動當日我地會喺黃大仙正德街上旅遊巴去大澳。

到步之後我地會直接前往大澳好景海鮮酒家午膳，菜單包括︰粟米魚肚羹、豉油王蝦、東江鹽焗雞、清蒸海上鮮、墨魚餅拼菠蘿、鮮菠蘿咕嚕肉、金銀蒜粉絲蒸扇貝、蒜蓉炒時蔬。

我地到達大澳之後，會食左午飯先，大概食到1點左右，領隊會帶我地去行下大澳警署、天后廟同新基大橋，行到咁上下，大家就可以自由活動，到15:45 就會係返巴士總站停車場集合，16:00就會回程返黃大仙正德街解散，解散時間大約5點。

另外，需要組圍嘅會員朋友請注意，我地會安排係11月28日(星期五)下午3點至2025年12月5日(星期五)下午3點，幫正選嘅參加者組圍，大家可以致電服務中心2760 0100組圍。如果大家想同朋友仔同一張枱嘅話，請先得到對方嘅同意先至好安排組圍啊。今次餐廳會安排10人一圍，需要義工幫手嘅建議每圍7個會員，唔要義工幫手嘅就每圍10個會員，同時由於圍數較多，我地會盡量為大家作出組圍上嘅安排，有需要帶導盲犬嘅朋友記得打黎服務中心同我地職員講聲喇。

阿Sa當日嘅活動電話係6990-9656。

如有任何查詢，歡迎致電服務中心2760 0100同服務中心職員阿Sa聯絡。