聖誕齊做扭扭棒吊飾已經截止報名。已經報咗名嘅會員已經自動成為正選，如果對自己嘅報名狀況有疑問，請聯絡服務中心。 活動尚餘少量名額，會開放比所有會員報名，仲有興趣報名嘅會員可以係12月5號（星期五）下午3點至12月12號（星期五）下午3點繼續打來中心或whatsapp 27601162報名，名額先到先得，額滿即止。
聖誕齊做扭扭棒吊飾活動會係12月15日同12月22日(星期一)舉行，活動時間係下午2點30分至下午4點，地點係愛民服務中心。參加者如需要係地鐵站接送到中心，可以係活動當日下午2點係何文田港鐵站A出口(近美心餅店位置)集合。活動費用每人$10。
扭扭棒係一啲毛毛條，將佢捲埋就可以做到唔同形狀，例如聖誕樹、聖誕花環，甚至動物都得，今次連續兩節以聖誕做主題做吓聖誕吊飾，為生活加一點點綴，又或者將呢份心意送比朋友作為小禮物。
如果有任何查詢，歡迎致電2760 0100與服務中心職員IRIS聯絡。