各位會員大家好，我係啊揚呀，大家鐘唔鐘意玩桌遊同一啲小遊戲呢？今次既活動聯同循道衛理中心既青少年一齊舉辦。上半節會由我地協進會同大家玩一隻叫為視障人士創作的桌遊「港故盲公竹」，是透過溝通去猜測對方身份的遊戲。特色在於遊戲卡上除了以文字寫上身份和遊戲題目，更有一個凸起的邊框，框著一個QR code。視障人士可以透過觸覺知道QR Code位置，並以手機掃描，聆聽錄音而知道自己的身份牌。下半節會由循道衛理中心既青少年同大家玩一些集體遊戲，已知既遊戲有觸感估物品，就係透過摸一樣物件去估出佢係咩黎。其餘遊戲大家就敬請期待啦。

活動會係12月16日星期二，下午7點至8點半於服務中心舉行，首先6點45分會係何文田站A出口(即第1個英文字母)出閘位置集合，之後青少年義工就會同大家去服務中心進行活動，8點30分就會係返地鐵站解散。本次活動限基本會員報名，活動費用全免。

有興趣嘅基本會員可以喺12月2日（星期二）下午3時至12月7日（星期日)下午3時，致電或whatapps報名熱線2760-1162報名 ，名額8個，每通電話可報2個人。如果參加者多過名額嘅話，活動就會進行抽籤，抽籤結果將會係12月8日(星期一)嘅熱線中公佈。 

如有任何查詢，歡迎致電2760-0100與職員阿揚聯絡。