康文署之大澳漁村體驗日活動將會喺2024年11月30號(星期六)舉行。活動時間係上午10點至下午大約5點，參加者需要喺當日上午9點45分，喺黃大仙地鐵站D出口(即係第四個英文字母)出閘位集合，收費方面，會員每位$90，同行者每位$150，非會員每位$230。

活動當日我地會喺黃大仙正德街上旅遊巴去大澳，到步之後我地會直接前往位於大澳街市街29號嘅福滿林酒樓用膳，菜單包括︰粟米豆腐羹、秘製鹽焗雞、咕嚕斑塊、白灼蝦、蝦醬蒸豬腩肉、西蘭花枝片、羅漢上素、青炒田園時蔬及絲苗白飯，食飽之後，領隊會帶大家行下大澳嘅景點。之後落黎嘅時間，大家可以自行遊逛大澳，買下野，食下野咁，大約4點會上旅遊巴返回黃大仙正德街解散，解散時間大約5點。

另外，需要組圍嘅會員朋友請注意，我地會安排係11月18日(星期一)下午3點至11月23日(星期六)下午3點，幫正選嘅參加者組圍，大家可以致電服務中心2760 0100組圍。如果大家想同朋友仔同一張枱嘅話，請先得到對方嘅同意先至好安排組圍啊。要義工幫手嘅建議每圍8個會員，唔要義工幫手嘅就每圍12個會員，同時由於圍數較多，我地會盡量為大家作出組圍上嘅安排，有需要帶導盲犬嘅朋友記得打黎服務中心同我地職員講聲喇。

阿彬當日嘅活動電話係9512-0403。

如有任何查詢，歡迎致電服務中心2760 0100同職員阿彬聯絡。