各位會員大家好！新年度嘅郊野樂行又黎喇！話咁快又差唔多到行山嘅季節喇，大家準備好親親大自然未呢？鍾意行山嘅會員朋友，你地可以把握機會報名喇。黎緊2024年10月至2025年3月(2月除外)會有總共5節嘅郊野樂行活動，所以會有5個不同嘅地點。
郊野樂行活動會喺2024年10月4號、11月1號、12月6號、2025年1月3號及3月7號(逢星期五)舉行，暫定的活動時間會喺上午9點至大約下午2點，詳細嘅集合時間同地點會係抽籤後個別通知參加者。活動會收取參加者活動按金，每位$50，如參加者出席滿4節或以上，將會退回按金。
請注意，會員需考慮自己的能力及身體狀況是否合適才參加，而我地亦會係結果公佈後聯絡咁多位參加者，進行體能測試，評估大家嘅健康狀況。測試將於2024年9月24號(星期二)下午3點於何文田愛民服務中心進行。
本次活動只限基本會員報名參加，有興趣嘅基本會員可以喺9月10號(星期二)下午3點至9月17號(星期二)下午3點，致電或Whatsapp到報名熱線2760 1162報名，每通電話可以報一個人，名額12個，如果報名人數多過名額，活動就會進行抽籤，抽籤結果將會喺9月19號(星期一)熱線中公佈。   
如果有任何問題，歡迎致電2760 0100同職員阿彬或者思韻聯絡。