長者活動：黃大仙區茶聚尚餘少量名額，歡迎60歲或以上，居住係黃大仙區嘅老友記會員，一齊嚟飲茶，等ANNIE同思韻可以同大家傾下計，了解大家嘅近況。有興趣嘅老友記可以繼續打嚟2760 1162報名㗎！而之前報咗名嘅會員已經全部成為正選，如果對報名狀況有任何疑問，或者唔肯定自己係咪成功報名，都可以打返嚟服務中心查詢。    黃大仙區茶聚活動日期係9月25日(星期三)，我地會去黃大仙龍翔道136號黃大仙中心北館2樓N222號舖嘅百樂金宴飲茶。參加者需要係活動當日上午9點45分，係黃大仙港鐵站B出口(第二個英文字母)出閘位集合，然後我地會一齊行去酒樓。大約中午12點，會返去黃大仙港鐵站解散。收費方面，60歲或以上基本會員或贊助會員每位$45，同行者每位$85。      ANNIE當日嘅活動電話係6644 2214，而思韻當日嘅活動電話係6354 7383。如果有任何問題，歡迎致電2760 0100同職員ANNIE或者思韻聯絡。