各位會員，唔知你哋有冇諗過成為網台節目主持呢？依家就有機會啦，賽馬會開聲體體育口述影像服務嘅youtube 想搵人幫手做節目，一齊推廣體育資訊。如果你自問自己口才幾好，對體育又有興趣，歡迎你報名參加呢個開聲體網台節目主持訓練班，訓練班將會由99台ViuTV奧運主持給評述員之一黎文龍擔任分享導師，佢同時亦都係我哋第一屆體育口述影像訓練班嘅畢業學員，一直為我哋開聲體提供精彩嘅體育口述影像服務。

訓練班分兩節，第一節係理論課，將於9月24日星期二晚上7:30至9:30舉行，屆時阿龍會同大家分享佢做奧運主持嘅經驗，以及傳授做體育節目主持嘅技巧。第二節係實習課，大家會嘗試到做一次體育節目嘅主持。完成課程，實習節目表現又達標嘅朋友，你將會有機會成為我哋開聲體網台嘅主持之一，主持係會有主持津貼㗎。

有興趣嘅會員朋友，請你最遲於9月22日或之前致電3615 1045同職員子健報名，報名嘅時候子健會問大家一啲基本個人資料，同埋簡單了解你對體育有幾多認識，以及過往是否有做主持嘅經驗，如果報名人數太多，呢啲將會作為我哋揀選參加者嘅依據，敬請大家留意。