大家好，唔知大家有無聽過一點粉紅 Pink Dot HK 2024 呢個活動呢？呢個活動係香港最大型嘅性小眾活動，今年已經舉辦到第十屆啦。咩叫性小眾？即係同性性傾向、雙性性傾向、跨性別者同埋雙性人等多元性取向、性身分嘅群體。你對呢啲群體嘅印象係咩呢？可能你過去只係從電影、電視或者報紙認識性小眾，今次大家終於有機會親身同呢個群體接觸啦！9月22日職教中心會帶大家參與今年嘅一點粉紅嘉年華會，當中會有唔同嘅節目例如攤位、表演、音樂會等形式比大家認識唔同嘅性小眾。誠意邀請大家把握呢次機會，擴闊自己嘅視野，喺唔同嘅群體嘅身上，學習點樣喺弱勢位置同充滿挑戰嘅社會爭取平等參與嘅空間。

活動詳情如下：
日期：2024年9月22日星期日；
時間：下午2時至5時；
活動地點：西九文化區藝術公園；
集合時間、地點：下午2是時於港鐵九龍站C出口閘外集合。步行約15分鐘到活動場地。下午5點活動後將會返回九龍站解散；
名額：8位。每位報名者可連同一位同行者報名參與。如果無同行者，當日大會可以安排義工同大家一齊參與。如報名人數超過名額，將以抽籤決定參加者。 中籤者將會收到個別通知。

如果大家有興趣，請於9月18號星期三下午6點或之前親臨或致電職教中心23372736報名。如有查詢，歡迎聯絡Eddie傾下架。希望到時見到大家啦。