本期新通告
總部消息 (行政辦事處)
無障礙數碼科技中心
總部消息 (行政辦事處)
通告1: 邀請參加長者及合資格殘疾人士公共交通票價優惠計劃「兩蚊兩折」線上簡報會
由2026年4月3日起，政府長者及合資格殘疾人士公共交通票價優惠計劃（二元優惠計劃）由二元劃一收費調整為「兩蚊兩折」，即成人票價低於或等於十元，受惠人士維持繳付兩元車費，而成人票價高於十元則受惠人士須繳付成人票價的兩折。實施「兩蚊兩折」安排後，二元優惠計劃的受惠對象維持不變，合資格受惠人士（包括60歲或以上香港居民和60歲以下合資格殘疾人士（殘疾程度達100%的綜合社會保障援助（綜援）計劃受助人，以及傷殘津貼受惠人））可使用樂悠咭或「殘疾人士身分」個人八達通繼續享受乘車優惠。
政府現正舉辦線上簡報會講解有關政策，如果會員有興趣出席線上簡報會，歡迎自行加入，以下是簡報會詳情：
日期：2026年3月27日（星期五）
時間：下午2時30分至3時30分。
連結：https://zoom.us/j/97652908697?pwd=JkEqHNbvpGN4dI5dUcumzJhHJBGSsb.1。
會議編號: 976 5290 8697。
密碼: 6uzu6V5V。
服務中心
通告1: 中樂組招收頭架、樂師、唱口崗位
新年度，服務中心屬下的中樂組，現正招收新組員，參加者必須為本會的基本會員，小組聚會時間為每月的第二及第四個星期日下午1點半至5時，每年組費10元，組員必須出席75%或以上的聚會才可享用小組福利。請留意：是次小組招募頭架、樂師及1位平喉及2位子喉崗位。如會員朋友懂得不同中樂樂器也歡迎報名，樂師的面試不會有樂曲的考核，只會進行一次面試，平喉唱口考核的樂曲，是鳳國恩仇未了情，反線中板選段，即是由「我忍淚半含悲」開始至「唯記夢幻」。子喉唱口的選段由二王下句，「我不羨長著漢裝衫」開始至「以表我真情非泛」。有興趣參加小組的會員將會安排於4月26日（星期日）下午 1時進行面試和唱口考核。
報名日期：2026年3月27日(星期五)下午3點至4月17日(星期五)下午3時，有興趣的會員可以致電報名熱線2760-1162報名。
如有任何查詢，歡迎致電2760 0100同服務中心職員阿Sa聯絡。
通告2: 氣球花束扭扭樂
近排又有花展又有中環毛絨花展覽，有冇諗過用氣球都可以自己扭花比自己呢？我哋今次一於就以花為主題，邀請一位視障氣球師嚟教班，分別搞一個新手入門班同埋進階班教大家扭氣球啦！
氣球花束扭扭樂活動日期喺4月13日星期一，會分別有上午嘅新手入門班同下午嘅進階班。新手入門班適合完全冇學過扭波，零基礎嘅會員參加，活動時間係上午10點半至12點半，進階班會喺適合本身扭波已經有基本認識同技巧嘅會員參加。進階班時間會喺下午2點半至4點半，地點係愛民服務中心。參加者如需要係地鐵站接送到中心，可以係活動當日上午10點3或2點3係何文田港鐵站A出口(近美心餅店位置)集合。活動費用每人$10。
有興趣報名嘅會員可以係3月27日(星期五)下午3點至4月1日(星期三)下午3點，用Whatsapp或致電報名熱線2760 1162報名，每通電話可報1個人。每班名額6個。如果報名人數多過名額嘅話，就會進行抽籤，抽籤結果將會係 4月2日(星期四)嘅熱線中公佈。
如果有任何查詢，歡迎致電2760 0100與服務中心職員IRIS聯絡。
通告3: 衛生署健康推廣活動專題之預防肌肉流失
衛生署健康推廣活動專題之預防肌肉流失
唔知大家有冇關注自己肌肉流失嘅問題呢？無論有關注定冇關注嘅你，對預防睡肌肉流失有興趣嘅你。今次衛生署講座就好適合你聽，今次衛生署講座會同大家講吓預防肌肉流失的嘅情況同嘅知識。不如我地一齊聽下姑娘點講啦!
服務中心今次邀請到衛生署既姑娘同大家講下預防肌肉流失相關知識 。
日期 : 2026年4月20日(星期一)
時間﹕上午10點 至 上午11點
活動會以Microsoft Teams網上會議的形式同大家講解，收費全免。有興趣報名的會員，可於3月27日(星期五)下午2點， WhatsApps或者致電報名熱線2760 1162報名。活動當日用嘅會議電話及編號將於4月13日(星期一) 的通告內公佈，到時各位可以自行進入活動。
如有任何查詢，歡迎致電27600100與服務中心職員渝聯絡。
通告4: 運動節奏初體驗
各位會員大家好！我係 Oscar 呀。想唔想試吓一隻既好玩又可以強身健體嘅新興運動呢？今次我哋特別邀請到兩位嚟自「中國香港運動節奏總會」嘅教練，帶大家體驗源自日本嘅「運動節奏」！呢項運動係透過音樂同節拍，配合跳躍、踏步同手部擺動等動作，幫大家加強手腳協調。最重要係透過節奏訓練可以啟動大腦，令身心都保持穩定同健康，仲可以減少跌倒受傷嘅風險添，真係一舉多得㗎！
活動會於 4 月 21 日（星期二）喺服務中心音樂室舉行，時間由下晝 2 點半至 3 點半。集合地點有兩個選擇：大家可以揀下晝 2 點喺何文田港鐵站出閘位置集合，或者下晝 2 點 15 分直接喺服務中心集合，活動結束後會由義工帶大家返去何文田港鐵站解散。
請注意，會員需考慮自己嘅能力及身體狀況是否合適才參加。活動費用全免，有興趣嘅會員可以喺 3 月 27 日（星期五）下午 3 點至 4 月 10 日（星期五）下午 3 點，致電或 WhatsApp 到報名熱線 2760 1162 報名。會員可以帶同一位同行者出席，每通電話可以報兩個人，名額一共 10 個。如果報名人數多過名額，活動將會進行抽籤，抽籤結果會喺 4 月 13 日（星期一）於熱線中公佈。
如果有任何問題，歡迎致電 2760 0100 同職員 Oscar 聯絡。
通告5: 服務中心、職教中心聯合通告﹕參與式預算 最新消息
相信大家都會記掛住參與式預算之前話會去巴士廠點解而家仲未見蹤影㗎呢，事關巴士公司回覆我哋最快可以參觀嘅日子只可以安排喺5月尾，經過商討之後，我哋決定參觀巴士廠嘅日子將會延期至五月尾，大家請密切留意住四月底嘅通告。
如有查詢，歡迎致電27600100與服務中心 Iris 或 致電23372736 與職教中心 Eddie聯絡。
賽馬會職業及教育資源中心
通告1: 邀請各位書友加入職教讀書組
大家好，大家可能都知我哋職教中心有一班中意睇書嘅會員朋友組成左一個讀書組，互相分享自己分享自己讀書心得、最近睇乜野書等等。
我哋讀書組來年會繼續同大家一齊分享閱讀嘅樂趣，我地會定期舉辦網上聚會互相分享下大家有興趣嘅書，而除左用網上聚會以外，亦會參與外間機構或合作嘅閱讀或文化相關活動，同其他公眾朋友一齊分享讀書樂趣。如果大家有興趣加入，可以於4月11日或之前親臨或打電話來職教中心23372736報名。如果想查詢有關今年聚會活動或者我地讀書組，可以聯絡Eddie了解下㗎。希望讀書組聚會見到你啦!!
通告2: 視障電競小組 (2026至27年度) 成員招募
大家好！唔知大家有冇打機呢？一直以黎視障人士打機都係一個熱門話題，到底視障人士可以玩到D咩電子遊戲呢？成個操控同健視人士嘅分別係邊呢？其實視障可唔可以同健視人士一齊打機呢？
上年度我地視障電競小組係多位組員努力下發掘多左無障礙程度較高嘅新遊戲，並主動邀約更多會員翻來中心打機同埋與外界機構交流並宣傳無障礙電競活動。今年度希望都繼續有各位熱愛打機嘅會員們一齊黎測試唔同嘅遊戲，一齊舉辦不同嘅活動，同埋一齊探討下屬於視障人士嘅打機議題架！
視障電競小組將會於2026年4月開始，舉行時間為每月一聚，舉行地點為職教中心，內容主要為討論視障電競議題、測試遊戲的無障礙程度，以及籌備舉辦唔同嘅電競活動。參與者必須為基本會員，名額及年齡不限，今年度報名參與小組會與往年一樣需繳交40元作為小組發展經費。報名日期由即日起至4月11日（星期六），如成功繳費，將會邀請會員進入Whatsapp群組，希望到時見到中意打機嘅你啦！
如有任何疑問或報名，歡迎親臨職教中心或致電2337 2736與職員Eddie聯絡。
通告3: 招募無障礙桌遊小組成員
Hello Hello大家好。近年越來越多人鍾意玩桌上遊戲，但唔少會員都話好多遊戲都係視覺為主，視障朋友較難參與。
所以我地黎緊會繼續之前嘅桌遊小組，同大家一齊繼續試玩較受歡迎嘅桌上遊戲、劇本殺等，一齊探討桌遊無障礙議題，睇下點樣改裝套桌遊令大家可以自主參與，同健視朋友都一齊玩。
本年嘅桌遊小組將於2026年4月開始，每月約一次聚會，舉行地點為職教中心或其他桌遊場地，小組名額、年齡不限，小組成員將加入whatsapp群組，聚會於群組中約日期舉辦，夠一定人數玩特定桌遊即成團。如果大家有興趣加入，可於即日至4月11日星期六或之前親臨或致電職教中心23372736報名。如有查詢，可與Tommy聯絡。希望到時見大家，一齊玩桌遊啦！
通告4: 3月31號西九文化區參觀活動行程更豐富及尚有剩餘名額歡迎報名
大家好，之前同大家介紹過我地3月31號早上會與沙田培英中學及香港小童群益會賽馬會眾心行善計劃合作，與同學一齊參觀西九文化區M+「觀音．聽時」坂本龍一音樂展覽。去西九文化實地考察同學們發現當日仲有其他特別活動都同步想大家一齊去參觀喔，所以建議左一D行程增補。
首先M+坂本龍一「觀音．聽時」展覽行程當然維持不變。而同步係M+展館附近藝術公園海濱東草坪有一個《夢遊喵境》裝置藝術，有可愛一家三口巨型貓咪正係草地上瞓覺，他們的尾巴會悠然擺動，而當你輕撫他們，可以感受到那低沉的呼嚕聲與怦怦的心跳。我地又可以一齊去睇下佢地摸下佢地，同佢地自拍下。而大家行得攰攰地又可以係附近搵個舒服嘅地方，主辦單位預備左少少茶點，可以同同學們邊休息邊傾下計食下茶點。如果仲有時間仲可以去附近景點打下咭。由於大家果日會同幾位同學編成一組一齊行動，所以幾個景點參觀嘅時間分配大家可以係小組內商議架。
再提提活動詳情如下：
活動日期：2026年3月31日 (星期二)；
參觀時間：上午10點至11點30分；
活動地點︰西九龍文化區；
集合時間地點：早上9點20分沙田站B出口 (第二個英文字母) 集合，將會乘坐旅遊巴到西九龍文化區；活動完結後乘坐旅遊巴返回沙田站解散；
名額：15位基本會員。如超出名額將會抽籤決定最終參加者。
活動費用全免。如有興趣報名可於即日至2026年3月28日星期六下午3點或之前親臨或致電職教中心23372736報名。如對活動安排有任何查詢歡迎聯絡活動負責同事Eddie架。希望活動當日見到你啦！
通告5: 3月28日 口述影像劇場「無限亮」 —谷野九郎《埋火—雪山深處の德川女盲人按摩師》公佈參加者名單
多謝各位會員踴躍報名！以下是活動成功報名的參加者正選名單：
陳衍泓
高廣富
方偉倫
湯炳雄
岑紫綸
鄭惠琼及其同行者
林董儀
陳珮丹
甄寶基及其同行者
諸小英
而後備名單如下：(若有參加者退出，將會按以下次序補上)
1. 焦亦珍
2. 譚曉瑩
3. 歐陽美英
活動詳情如下：
活動日期：2026年3月28日（星期六）
活動時間：下午2時15分至4時45分；
地點：香港文化中心劇場
集合時間及地點：下午2時15分在尖東站H出口（第8個英文字母）集合，一齊步行到香港文化中心劇場，下午4時45分在地鐵站解散；
戲劇長度：100分鐘，不設中場休息；
如對名單或活動安排有查詢，歡迎致電職教中心23372736向活動負責同事Kylie查詢。到時見。
通告6: 服務中心、職教中心聯合通告﹕參與式預算 最新消息
相信大家都會記掛住參與式預算之前話會去巴士廠點解而家仲未見蹤影㗎呢，事關巴士公司回覆我哋最快可以參觀嘅日子只可以安排喺5月尾，經過商討之後，我哋決定參觀巴士廠嘅日子將會延期至五月尾，大家請密切留意住四月底嘅通告。
如有查詢，歡迎致電27600100與服務中心 Iris 或 致電23372736 與職教中心 Eddie聯絡。
無障礙數碼科技中心
通告1: 無障礙數碼科技通訊第221期消息
無障礙數碼科技通訊定期免費提供多項同視障人士相關的IT資訊比有興趣的朋友，透過電郵、電話熱線同係本會網站發放，每月更新。
本會網站會存放所有通訊內容，大家只需按頁頂的「通訊刊物」後再按「無障礙數碼科技通訊」就可找到有關內容。如果你想成為訂閱用戶，定期以電郵收取這份通訊，可電郵至 newsletter@hkbu.org.hk，於主題一欄輸入“訂閱通訊”，同時請留下你的姓名及聯絡電話。
而電話熱線會存放最新兩期的通訊內容。有興趣收聽的會員朋友，可以到熱線內的本會刊物再按2選擇無障礙數碼科技通訊收聽。
今期的內容包括 : Be My Eyes 與 Meta 的生態野心：從「百萬用戶」到「數據賦能」的戰略跨越、修正螢幕朗讀程式 NVDA 讀音的方法，Apple 全新 iPhone 17e 配全新「陶瓷晶體護面 2」/支援 4K 錄影、大家快來收聽吧。
返回通告分類