服務中心

各位會員大家好！黎緊5月會有由康文署主辦，本會協辦嘅美式桌球同樂日。桌球呢項運動相信大家唔多唔少都有聽過，但唔知大家又知唔知桌球都有分美式同英式兩種呢？大家可以透過今次呢個機會體驗下美式桌球嘅玩法同埋樂趣啦。
活動會喺2026年5月18號（星期一）舉行。活動時間係上午10點至中午12點，地點會喺何文田體育館。活動費用全免，歡迎本會嘅基本會員參加。參加者需要喺活動當日早上9點30分，喺何文田港鐵站A出口(即係第一個英文字母)近美心西餅位置集合。
有興趣嘅基本會員可以係4月24日(星期五)下午3點至5月2日(星期六)下午3點，致電或者WhatsApp報名熱線2760-1162報名，每通電話可報1個人。名額10個，如果報名人數多過名額，活動就會進行抽籤，抽籤結果將會係5月4日(星期一)嘅熱線中公佈。如有任何查詢，歡迎致電2760-0100與服務中心職員阿Sa聯絡。

大家有冇印象上年我邀請過一位註冊脊醫Dr. Joe黎講一個關於教你運動醫痛症嘅講座呢？適逢Dr Joe 今年又出咗一本新書叫《Dr Joe教你運動醫膝痛》，我哋係將會邀請佢係5月19黎到協進會進行分享會，同教授各位如何用運動改善痛症。

今次分享會由服務中心同賽馬會無障易學計劃合辦：日期將會係5月19日（星期二）下午2點半至4點半係位於何文田服務中心附近嘅愛民會堂舉行，現場參加名額20人。如果有需要接送嘅會員可於下午2點去到何文田地鐵站A出口（第一個英文字母）美心西餅附近集合，會有義工帶大家過服務中心。 或者可以2點15分到達服務中心，我哋一齊過愛民會堂。
如果有興趣聽但唔方便現場出席嘅朋友，我地都設有網上參與，名額不限。將以Microsoft Teams網上會議的形式同大家講解，活動當日用嘅會議電話及編號將於 5月14日(星期四)的通告內公佈，到時各位可以自行進入活動。活動收費全免。
有興趣報名嘅會員同照顧者可於 4月24日 (星期五) 下午3點至5月2日(星期六)下午3點， WhatsApps或者致電服務中心報名熱線2760 1162報名。或致電39960760向無障礙服務辦事處ELFA報名 或WhatsApps 95842875 向ELFA報名，每通電話可報2個人。現場參加名額20人，如果報名人數多過名額嘅話，就會進行抽籤，抽籤結果將會係 5月4日(星期一)嘅熱線中公佈，網上參與名額不限。

當日流程：
一作者及Dr. Joe教你運動醫痛症書籍介紹
二分享改善痛症知識 及 動作示範
三問答環節

協進會已購買有關書籍，各位登記參加此講座的會員，可自動成為賽馬會無障易學計劃使用者，免費借閱上述書籍電子版，方便視障人士閱讀，計劃的職員稍後聯絡登記者，辦理簡單的借閱手續。有興趣借閱書籍嘅照顧者就可以係中心登記借閱實體書籍。如有任何查詢，歡迎致電服務中心27600100與職員IRIS或無障礙服務辦事處 39960760與職員PINKY聯絡。

共融泥一泥

對藝術或者手工藝有興趣嘅朋友就要留意今次嘅活動啦，今次我哋好開心搵到一班嘅中學生來自基督教聖約教會堅樂中學嘅同學仔，佢哋將會嚟到服務中心同我哋一齊玩一玩黏土手工。

今次活動嘅日期係5月19日星期二，而時間以及地點將會舉行喺何文田服務中心，活動集合時間將會係下午6:45喺何文田地鐵站A出口出閘位置附近集合，隨後我哋就會一齊步行上去服務中心進行活動。而活動費用係全面嘅歡迎本會嘅基本會員報名參加。

有興趣嘅基本會員可以喺4月24日星期五下午3點至到5月2日下午3點，致電或者WhatsApp到報名熱線2760 1162報名，每通電話可以報名一人，名額共有八個，如果報名人數多於名額活動就會進行抽籤。抽籤結果將會喺5月7日星期四嘅熱線通告中公布，如果對活動內容有任何查詢，歡迎致電2760 0100同服務中心職員阿渝聯絡啦。

新西分區之大力密密素

各位新界西嘅分區會員大家好，唔知大家對於食素食有冇興趣呢？如果有嘅話今次個活動就好啱你啦，今次我哋會去到位於元朗嘅大力素食進行活動。

而今次活動嘅日期將會係5月22日星期五，而活動時間將會是下午2時45分至下午4時30分，當天會員需要在下午2:45於港鐵屯馬綫朗屏站B2出口集合，隨後我哋就會一齊前往位於元朗橫馬路35號福昌樓地下嘅大力素食享用下午茶。

活動報名日期及時間是4月24號星期五下午3點至到4月29日星期三下午3點，每通電話可以報名兩個人，活動名額一共有14個如果活動報名人數多於名額活動將會進行抽籤。而活動費用。基本會員及贊助會員收費$50 ，同行者$80以及非會員$125。

以下另附上當天可選擇的餐食

時菜三寶飯（含有蛋）

葡汁素牛肉飯（含有奶）

咕嚕素排骨飯（含有蛋）

素魚香茄子飯（辣）

豆腐素火腩飯

南瓜素鰻魚飯

羅漢齋炒麵（含有蛋）

豉椒素牛肉炒麵（含有蛋）

飲品方面每位參加者可以選擇老火湯、汽水、豆漿、凍檸檬可樂、鹹檸雪碧、紅豆冰，以上各種其中之一款。

如對活動有任何查詢，歡迎致電2760 0100與服務中心職員阿渝聯絡。

各位九西分區會員大家好！我係阿揚呀，今次分區活動搵左間網上大獲好評既素食餐廳俾大家，為大家帶黎截然不同既風味，餐點包括前菜，湯品，主食同飲品。

活動會係2026年5月29號(星期五)下晝兩點至三點三十分舉行，活動當日下晝一點四十五分我地會係尖沙咀港鐵站 B 出口 (第二個英文字母)出閘位集合，之後就去尖沙咀金馬倫道48號中國保險大廈3樓B號舖既雅悠蔬食食飯。收費方面，會員每位$70，非會員每位$200，而同行者每位$120。

有興趣嘅九西分區會員可以於2026年4月24日(星期五)下午3點起，至到5月2號(星期六) 下午3點，致電或whatapps報名熱線2760-1162報名，每一通電話可報2人，名額22個，如果報名人數多過名額，活動將會進行抽籤，抽籤結果將會於2026年5月4日(星期一) 的熱線通告入面公佈。

想知道餐廳菜單既，請聽下一則通告。

如果有任何問題，歡迎致電2760 0100同職員阿揚聯絡。

大家可以選擇優先揀餐或中籤後揀餐都可以，想食咩餐報返相應數字便可。

首先，前菜與湯品有兩個選擇，包括 [1]甘筍地瓜扁豆忌廉濃湯配香脆法包或 [2]青木瓜甘筍花生雪耳湯配蜜瓜哈蜜瓜黑醋藜麥沙律

然後，主食有九個選擇，包括 [1]芝士蕃茄牛油果配新吞拿焗長通粉， [2]咸香日本菇茄子豆腐栗子配珍珠糙米飯， [3] 黑椒素牛柳絲炒扁意粉配香脆腐皮卷(微辣)， [4] 黃金素叉燒飯配蕃茄炒滑蛋， [5] 野菜粟米汁吉列素鰻魚飯， [6]雪菜素叉燒炒米粉配吉列蒟蒻， [7]焗烤牛油果墨西哥薄餅配紅菜頭蘋果藜麥沙律及香脆薯角， [8] 泰式鳳梨炒飯配沙爹串燒 (微辣)(可免辣)， [9] 酥炸椒鹽腐皮扒配素滷肉羽衣甘藍菜飯

最後，飲品有八個選擇 [1]柚子青檸蘆薈冰茶(凍)/ [2] 檸檬茶(熱/凍)/[3]檸檬水(熱/凍)/ [4] 檸檬蜂蜜(熱/凍)/[5]韓風蘆薈柚子蜜(熱)/[6]檸檬蜂蜜生薑茶(熱)/[7]鹹柑橘蜜(熱)/[8]咖啡(熱/凍)

聯區同你遊馬灣報名已經結束，以下係各分區抽籤結果：
港島
正選1 7 陳麗屏
正選2 6 陳漢明(2)
正選3 3 盧養雄
正選4 2 顏玉霞 葉球
正選5 1 高廣富
正選6 4 張景堂 李潔端
後備1 5 何敬彬
新界西
正選1 6 曾麗珍
正選2 7 麥月萍
正選3 3 王秀英
正選4 4 鄭匡宙
正選5 10 陳佩芬 董貴卿
正選6 11 劉松楠
正選7 9 郭澤林
後備1 1 蘇華南 鄧桂香
後備2 12 鄭玉玲
後備3 2 鄧潤玲
後備4 5 王琼明
後備5 8 李碧珊
新界東
正選1 8 譚綺雲
正選2 4 甄家俊
正選3 2 謝金輝 陳惠娟(2)
正選4 7 蘇美英 袁錦強
正選5 9 溫玉珍
正選6 3 林希雅
後備1 1 黃瑞蓮
後備2 6 陳樹春 潘運海
後備3 5 鄧東宜
九龍西
正選1 4 吳志光 黎淑英
正選2 1 陳香潔 黃雪輝
正選3 10 梁蘊儀
正選4 3 潘熾成
正選5 6 伍寶田
正選6 7 吳兒幸
後備1 8 蘇細妹 劉漢良
後備2 2 謝家寶
後備3 5 黃秀平 黃素雲
後備4 11 梁壽興 謝敏
後備5 12 李潔貞 廖美容
後備6 9 曾雅信 胡迎歡
九龍東
正選1 4 溫秀英 麥英華
正選2 12 余國安
正選3 6 劉發
正選4 2 尹國輝 陶婉娥
正選5 7 余正庭
正選6 10 羅仲坤
正選7 8 葉雲龍
正選8 13 謝群香
正選9 3 陳綺莉 蘇靄蓮
正選10 11 鄺佩萍
正選11 5 張倩琼
後備1 9 奚小偉 陳少芬
後備2 1 葉惠兒 工人姐姐

活動日期係2026年4月29日（星期三），活動時間係朝早11:30至下晝大約4:30，參加者可以選擇喺朝早10:45喺太子地鐵站月台往荃灣方向車頭位置集合，或者11:15喺青衣港鐵站A出口（第一個英文字母）近健康工房對出位置集合。我哋集合完之後，會去位於青衣城一期嘅炑八韓烤午餐，餐點方面，大家可以揀選以下嘅套餐，A. 石頭牛肉飯、B鐵板芝士韓式牛仔骨飯或者粉絲、（由於餐廳更新餐單，所以原本C. 變更為薯仔排骨湯、D. 變更為冬陰功海鮮麵、E. 人蔘雞湯（半隻）拼紫菜飯、F. 牛肋骨煲拼紫菜飯、G. 部隊鍋拉麵，H. 變更為韓式炒粉絲，餐飲已包括凍水果茶或凍檸檬茶。如果還沒講低當日會食乜嘢嘅話，可以喺25/4（星期六）下晝三點前打過嚟服務中心報餐。如果對當日用餐座位有特別要求，或者想同特定嘅會員朋友坐嘅話，都請喺報餐嘅時候同我哋一併講埋，我哋會盡量為大家安排。

轉乘巴士方面，我哋當日會乘搭私營巴士線NR330前往馬灣。呢條巴士線，合資格嘅殘疾人士，可享「兩蚊兩折」優惠，以較低者為準。該線全程車資$13.8，不接受現金，須全數使用八達通繳付。

我哋會喺下午4:00搭返巴士返青衣港鐵站解散。收費方面，基本及贊助會員70元，同行者135元，非會員210元。

當日阿Sa嘅活動電話係6990 9656、Iris嘅活動電話係5930 1208。
如有任何查詢，歡迎致電2760 0100同服務中心職員阿Sa聯絡

四至六月輕鬆自助來聚餐生日會最新消息及溫馨提示

由於活動報名人數少於名額，故此已報名嘅所有會員以及同行者均已成為正選，活動現剩餘少量位置，歡迎各四至六月生日之會員及其同行者致電報名參加活動。

活動會係5月5日(星期二)舉行，活動時間係上午12點至大約下午2點半，地點係香港九龍窩打老道23號位於城景國際 - 城景閣。參加者需要係活動當日上午11點30分，係港鐵油麻地站A出口(第一個英文字母)集合，然後行大約10至15分鐘去到城景國際 - 城景閣，我哋會安排大家先享用自助餐，到咗收費環節完結之後，我哋就會同大家玩少少小遊戲同埋唱生日歌影大合照慶祝生日，活動完咗之後，會同大家返去油麻地港鐵站解散。

收費方面，會員及贊助會員每位$145，同行者每位$230，非會員每位$355。

有關組圍安排，歡迎致電2760 0100與阿渝聯絡，敬請留意！

如果有任何查詢，歡迎致電2760 0100與服務中心職員阿渝聯絡。  

衛生署健康推廣活動專題之膽固醇睇真D

唔知大家有冇關注自己自身膽固醇嘅問題呢？無論有關注定冇關注嘅你，對預防膽固醇過高有興趣嘅你。今次衛生署講座就好適合你聽，今次衛生署講座會同大家講吓預防膽固醇過高的嘅情況同嘅知識。不如我地一齊聽下姑娘點講啦!      

服務中心今次邀請到衛生署既姑娘同大家講下預防膽固醇過高相關知識 。      

日期 : 2026年5月4日(星期一)      

時間﹕上午10點 至 上午11點      

活動會以Microsoft Teams網上會議的形式同大家講解，收費全免。有興趣報名的會員，可於4月21日(星期二)下午2點， WhatsApps或者致電報名熱線2760 1162報名。活動當日用嘅會議電話及編號將於4月27日(星期一) 的通告內公佈，到時各位可以自行進入活動。      

如有任何查詢，歡迎致電27600100與服務中心職員渝聯絡。 

大家應該有聽過年金或者退休三寶，但係又知唔知係咩嚟？如果有興趣知多d嘅會員或者照顧者就可以留意以下呢個係5月8日(星期五)上午嘅講座。今次係由我哋嘅友好團體，循道衛理楊靖社會服務處愛民長者鄰舍中心舉辦，佢哋今年會舉辦一系列有關生死教育同埋及早自主人生系列的主題活動，歡迎協進會有興趣嘅朋友仔參與。

及早自主人生系列：主題：家有一老-退休三寶

由香港按揭證券有限公司代表介紹香港三大退休理財產品，了解如何將現有資產轉化為穩定的終身收入，以應對退休生活開支，並及早為自己規劃退休生活。
認識退休三寶(香港年金計劃,安老按揭計劃,保單逆按計劃)
講者： 由香港按揭證券有限公司林生主講
日期：5月8日(星期五)
時間：上午10:00至11:30
地點：愛民長者鄰舍中心(嘉民樓509室（即服務中心樓下一層）

活動集合時間係上午9:30係何文田站A出口近美心西餅位置，或9:45係服務中心，我哋集合左再一齊落楊震中心。活動費用全免。

有興趣嘅會員同照顧者可以係4月21日(星期二)下午3點至4月29日(星期三)下午3點，用Whatsapp或致電報名熱線2760 1162報名，每通電話可報2個人，名額15個。如果報名人數多過名額嘅話，就會進行抽籤，抽籤結果將會係4月30日(星期四)嘅熱線中公佈。

如有任何查詢，歡迎致電2760 0100與服務中心職員IRIS聯絡。

為咗配合嚟緊新年度協進會嘅健康主題，今個月嘅分區活動，我哋分別會同大家去唔同分區以健康為主題嘅餐廳，同各位分區會員聚餐。今次活動名【新東營住食】，顧名思義，就係同大家搵一啲營養同味道都埋兼備嘅餐廳，等大家食得開心又健康。我哋將會去位於沙田石門嘅賽馬會傑志中心嘅傑志膳房同大家午膳，餐廳以傑志球隊主題元素貫穿整個環境，令空間充滿特色的體育風格。户外區域則面向足球訓練場，令大家可以在城門河畔的舒適環境襯托之下，一邊用餐一邊觀賞球隊操練。為了提倡均衡飲食，大廚更與營養師緊密合作，考量味覺和健康飲食的平衡，為大家創造出富有特色兼且營養豐富的佳餚美食，滿足大家的健康飲食需求。

我哋嘅活動日期係2026年5月13日（星期三），活動時間係由下午1點至下午3點 ，地點位於沙田石門鞍祿街23號，賽馬會傑志中心一樓嘅傑志膳房。參加者需要喺活動當日下午12:45喺港鐵石門站A出口（即係第一個英文字母）出閘位置集合，我哋將會步行前往用餐地點。今次嘅活動收費基本及贊助會員每位$90，同行者$165，非會員$258. 套餐包括一款主食，沙拉或者湯同埋飲品，至於詳細嘅餐點內容，需要去到五月份餐廳換新Menu嗰陣先可以再確認。
如果對健康飲食都有興趣嘅新東分區會員，可以由4月21號（星期二）下午3點至4月28日（星期二）下晝3點，致電或者WhatsApp報名熱線，2760 1162報名，每通電話可以報兩個人，名額14個，如果報名人數超過名額嘅話就會進行抽籤，抽籤結果將會喺4月30日（星期四）嘅熱線中公報。
如有任何查詢，歡迎致電27600100同服務中心職員阿Sa聯絡。

中學生帶你整香水報名期已經結束，以下係正選名單：

35 黎浩森

18 梁蕙芝 黎淑英

29 張發揚

38 鄧婉薇

31

12 袁巧仙

28 吳曉慧

8 沈潤清

27 李攜好 盧婉芳

2 李祺 葉亭頤

6 葉瑞蓮

由於後備人數眾多，名單只會讀出頭十位，以下為後備名單。

32 王淑如

23 趙雪芳

10 葉惠兒

36 陳金敏

15 陳春芳

4 鄭惠琼

33 李月明 袁建明

14 胡敏茵

21 池玉麟

中學生帶你整香水溫馨提示

活動會係4月25日星期六，10點會係大圍站B出口(即第2個英文字母)出閘位置集合坐旅遊巴前往學校。活動會在五旬節林漢光中學舉行，完結後就會坐旅遊巴大約12點左右返地鐵站解散。阿揚當日既活動係54215637。

如有任何查詢，歡迎致電2760-0100與職員阿揚聯絡。  

中樂組早前招收頭架、樂師、唱口崗位，目前招收了唱口報名，而頭架同樂師商有空缺，如果有會員無論對二胡、高胡、揚琴、秦琴、洞簫或者笛子等樂器有經驗嘅話，都歡迎繼續打電話過嚟服務中心報名。我哋將會個別回覆大家。截止日期係5月30日（星期六），中樂組固定開組日期係逢每個月第二同埋第四個禮拜日，如果大家都對中樂有興趣同埋認識嘅話，都歡迎嘗試加入中樂組，展現下大家嘅才能。

如有任何查詢歡迎致電2760 0100同服務中心職員阿Sa聯絡。

各位會員大家好！黎緊5月會有由康文署主辦，本會協辦嘅身心伸展訓練班，等大家可以學習運用不同嘅伸展同鬆馳技巧，同埋認識點樣放鬆肌肉同減低壓力，達致身心健康。

活動會喺2026年5月4、11、18及6月1日（星期一）舉行，活動時間係上午10點至中午12點，地點會喺何文田體育館。活動費用全免，歡迎本會嘅基本會員參加。參加者需要喺活動當日下午9點30分，喺何文田港鐵站A出口(即係第一個英文字母)近美心西餅位置集合。

有興趣嘅基本會員可以係4月17日(星期五)下午3點至4月25日(星期六)下午3點，致電或者WhatsApp報名熱線2760-1162報名，每通電話可報1個人。名額12個，如果報名人數多過名額，活動就會進行抽籤，抽籤結果將會係4月27日(星期一)嘅熱線中公佈。

如有任何查詢，歡迎致電2760-0100與服務中心職員阿Sa聯絡。

協進會與香港愛樂盟扶輪社合辦的瑜珈體驗班來到第22期啦！為期四節的瑜珈體驗班，將會以輕鬆形式讓大家體驗瑜珈的樂趣。瑜珈涉及全身拉筋練習，建議會員報名前先留意自己身體狀況是否適合上課，亦建議大家儘量出席活動四節課堂。  

活動日期為5月9日，5月16日，5月23日，以及5月30日，逢星期六，於九龍彌敦道469—471號新光商業大廈17樓1703室的瑜心舍油麻地分館舉行，活動費用全免。

參加者請於活動當日上午9時30分，到達港鐵油麻地站C出口，即第3個英文字母之出閘位置集合，由扶輪社義工陪同會員前往瑜心舍上堂；活動約上午11時15分結束，由扶輪社義工陪同返回港鐵油麻地站解散。選擇自行前往瑜心舍的會員，請於上午9時45分到達。  

今期名額共有12個，歡迎從未參加此活動，以及第21期或之前的基本會員報名參加。瑜珈班設有舊生後備補堂制度，如有正選會員請假，該課堂將會由後備舊生補上，所有曾參與扶輪社瑜珈班的舊生都可以參加舊生後備補堂制度，而後備亦會進行抽籤。  

有興趣參加的基本會員，請於4月17日（星期五）下午3時至4月24日（星期五）下午3時，透過WhatsApp或致電報名熱線2760 1162報名，每通電話可以報1人。名額共12個，如報名人數超出參加名額，活動將會進行抽籤，抽籤結果將於4月27日（星期一）的熱線通告中公怖。
 
最後提提大家，如果活動前2小時，即上午7點30分，天文台發出黃色、紅色、黑色暴雨警告，或8號以上強風信號，活動便會取消；3號強風信號期間，則會視乎天氣情況而決定是否取消。活動前會再以電話方式聯絡大家有關安排，敬請留意！   

如對上述活動有任何查詢，歡迎致電2760 0100與職員阿Wing或阿揚聯絡。

正選
正選1 4 曾笑卿
正選2 10 江寳珠
正選3 11 王秀英
正選4 18 陳麗屏
正選5 16 黃蕾 陳嫦娟
正選6 17 李碧珊
正選7 9 譚曉瑩
正選8 6 黃子鈴
正選9 1 陳佩芬

後備
後備1 3 鄭菊影
後備2 5 黃家恒
後備3 7 黃倩瑩
後備4 19 林錦萍 林曉欣
後備5 8 吳曉慧
後備6 15 葉瑞蓮
後備7 12 林董儀
後備8 14 梁蕙芝
後備9 2 陳春芳
後備10 13 徐綺華

中學生同你整開心果芝士蛋糕的活動日期係2026年4月25日（星期六）舉行。地點位於天水圍天晴邨，天晴服務設施大樓1樓101號，香港中華基督教青年會-天水圍天晴會所，活動時間係下午2點至5點。參加者需要在下午1點30分係天水圍西鐵站E出口 (即係第5個英文字母) 出閘位集合，我哋需要轉乘輕鐵705線，往天慧方向，前往活動地點。完結後大約5點就會返天水圍港鐵站解散。
當日阿渝的活動電話係95120403.

如果對活動有任何查詢，歡迎致電2760 0100與服務中心職員阿Sa聯絡。

象棋小組招募新組員之正選名單

本年度象棋小組招募新組員已正式完結， 以下為正選名單。   

正選1 葉雲龍

正選2 周俊昌

正選3 楊寶珍

正選4 甘瑞紅

如果有任何查詢，歡迎致電2760 0100與服務中心職員阿渝聯絡。   

照顧者活動之色彩漫步尚餘少量名額，所有已經報名嘅照顧者已經自動成為正選，仲有興趣報名嘅健視照顧者或者贊助會員可以喺4月15號星期三下午三點前致電或whatsapp 27601162報名。亦都歡迎會員將呢個活動介紹俾你哋身邊嘅贊助會員同健視照顧者。 

今次我地將會舉行一個以「色彩漫步」為主題嘅活動，連續四個星期六下晝同大家去到唔同嘅地方chill住一邊影相一邊發掘城市之中嘅唔同顏色，唔使擔心自己唔識影相，我哋都係用返手機內置相機為主，主要係享受過程，更加會將大家影到嘅相收集用黎做佈置。活動一共有4節，會於4月18號開始連續四個星期六下午兩點半至四點舉行，第一節我哋會返嚟何文田服務中心，而其餘嘅節數會在公布去邊度，都係深水埗區油尖旺為主，可能會去一間coffee shop飲咖啡或者搵條街行下，收費每位$40。 活動電話59301208。

如有任何查詢，歡迎致電2760 0100與服務中心職員IRIS或阿彬聯絡。

26至27年度Jumpers 音樂會最新消息 

以下已報名的會員已自動成為正選包括 

張漢嵐 

鄭匡宙 

關日基 

奚小偉 

韋卓龍 

湯炳雄 湯騷兒 

黃文龍

鄧美英 

謝家寶 盧婉芳 

如果對活動有任何查詢，歡迎致電2760 0100與服務中心職員阿渝聯絡。 

相信大家都會記掛住參與式預算之前話會去巴士廠點解而家仲未見蹤影㗎呢，事關巴士公司回覆我哋最快可以參觀嘅日子只可以安排喺5月尾，經過商討之後，我哋決定參觀巴士廠嘅日子將會延期至五月尾，大家請密切留意住四月底嘅通告。
如有查詢，歡迎致電27600100與服務中心 Iris 或 致電23372736 與職教中心 Eddie聯絡。 

以下是職教中心及服務中心的聯合通告：香港寬頻優惠計劃 - 新一輪安裝家居寬頻服務申請 

各位會員，香港寬頻與協進會合作，繼續為有需要家居寬頻服務而又合符特定資格的視障會員或未滿十八歲視障子女的父母，提供為期2年的免費1000M家居寬頻服務。 

以下列出計劃詳情:

申請日期: 2026年3月16日 (星期一)至2026年12月31日(星期四);

安裝日期: 2027年1月31日(星期日)或之前;

申請資格:

1. 指定的香港寬頻覆蓋範圍。  

2. 香港寬頻新登記用戶 (於指定住宅地區及安裝服務之地址於登記前120日內未曾使用香港寬頻之寬頻服務)。  

3. 申請人須持有香港身分證及年滿十八歲。  

並要符合以下其中一個指定條件和提供有關證明文件才合資格申請： 

4.1 現正領取綜援 、醫療費用額豁免、關愛基金、在職家庭津貼、全額學校書簿津貼、幼稚園及幼兒中心學費減免計劃全免學費、長者生活津貼的人士或;

4.2 現租住公共房屋、過渡性房屋、中轉屋、劏房或; 

4.3   符合資格及現正輪候公屋人士;  

需提供的文件: 

1. 過去半年內，具申請人姓名的住址證明，如：公共服務賬單或銀行信件，地址需與申請此計劃的登記地址相同。 

2. 有效電子郵箱，以作登記及作為接收服務通知及電子月結單的通訊電郵地址。 

3. 能即時接收SMS的個人登記手提電話號碼，進行申請程序的驗證。  

申請程序:  會員必須先致電職教中心23372736或服務中心 27600100，讓職員進行初步評估，確保符合資格後，包括申請寬頻服務地址受覆蓋，職員會預約會員前往中心進行申請手續。 

備註:

1. 此優惠計劃由香港寬頻提供，名額30位，額滿即止。

2. 此服務計劃需要向用戶額外收取$680的上門安裝費用，日後搬遷亦需繳付相關費用。

3. 成功申請的用戶可以在登記時設定開始使用的服務日期，並須在安裝服務後365天內啟用有關服務。

4. 如用戶需使用路由器 (即係router)接收寬頻訊號，須自行購買或可考慮在登記服務時租用由香港寬頻提供的路由器服務計劃。 

5. 有關計劃內容；續約或所有安排，與本會無關及不會承擔任何責任，申請者亦可致電香港寬頻服務熱線3494-8888，於服務時間星期一至日上午9時至晚上10時致電查詢。 

有關其他常見的問題或計劃上的注意事項，可留意下一則通告。亦可在各單位開放時間內向職員查詢。如不清楚是否符合申請資格，歡迎致電到協進會各單位向職員了解詳情。 

1. 申請資格及需提交文件正本：

1.1 年滿18歲，持有香港身份證、為視障人士或未滿十八歲的視障子女的父母及;

1.2 具申請人姓名的綜援、醫療費用豁免、長者生活津貼人士、關愛基金、在職家庭津貼證明、全額學校書簿津貼、幼稚園及幼兒中心學費減免計劃全免學費證明或戶口簿資料或;

1.3. 具申請人姓名的公屋、過渡性房屋、中轉屋、劏房租戶、輪候公屋證明，如：租單或租金收據及;

1.4 半年內，具申請人姓名的住址證明，如：公共服務賬單或銀行信件，地址需與申請此計劃的登記地址相同。

2. 此免費寬頻計劃需要付安裝費嗎? 申請人須繳付安裝費 $680。

3.是否合符資格就一定能夠成功安裝寬頻1000M服務？

不是。服務只適用於指定住宅地區及安裝服務之地址於登記前120日內未曾使用香港寬頻之寬頻服務之客戶。是否能成功登記或安裝服務，將由香港寬頻及其技術人員上門後方能確定，如樓層已達安裝上限，需要等候或最終未能安裝。

4. 申請人正使用另一間家居寬頻網絡供應商，可以立即申請享用此免費計劃嗎？
可以。你可同時使用其他供應商之寬頻服務 (即同時使用兩間公司) 或 可現時先申請，在登記時自行設定此計劃生效日期，即現時寛頻服務合約結束時，才自選開始使用此計劃的服務日期，最長可以安排在安裝服務後365天生效服務。

5. 申請人正使用另一間家居寬頻網絡供應商及合約期超過365天，我可以申請此免費計劃嗎 或中止現時合約而轉用此計劃？

5.1 如本身已有超過一年的服務合約，我們不建議申請，留給有需要的人。

5.2 如計劃中止現時合約，請留意現有合約條文是否可行。必須留意此計劃是否能成功安裝服務，將由香港寬頻技術人員上門後方能確定，如樓層已達安裝上限，需要等候或最終未能安裝。

6.申請程序完成後多久會安裝？
申請人在網上登記服務時可於網上選安裝日期及時間，一般可於登記後一星期內安裝。

7. 如申請成功，申請人是否需要即時啟用所有服務？
申請人可以在登記時設定開始使用服務日期，須在安裝服務後365天內。

8. 如申請人選用附加家居電話服務，可以同時使用平安鐘嗎？
家居電話服務在電力故障情況下不能正常運作，故不適用於接駁平安鐘或依靠平安鐘服務者使用。

9. 現時申請人是使用固網電話，如選用附加家居電話服務，有沒有甚麼設備需自行準備？
技術人員會為申請人安裝服務，但申請人要自行預備電話機。

10. 申請人對於登記的查詢， 有熱線支援嗎？
有，申請者可致電香港寬頻服務熱線3494 8888 服務時間星期一至日上午9時至晚上10時致電查詢。

11.申請人可以將此免費寬頻計劃轉贈他人嗎？
不可以。申請人亦只可申請1次。如有發現，我們會轉交香港寛頻處理及保留追究權利。

12. 申請人擁有兩個住址，可以一併申請嗎？
不可以，每位申請人只可享用1個免費寬頻服務。申請人於網上完成登記程序後，登記的住址若未能成功安裝，亦不能更改有關住址再作申請。

13. 參與計劃後如果需要搬屋，收費如何？
但搬遷將涉及相關費用，收費詳情請參考香港寬頻網頁;
hkbn.net/personal/support/tc/accounts-billing ;

14. 香港寛頻會否提供路由器 (Router)？
不會。可選擇自行購買及額外附費向香港寛頻租用。

15. 參與計劃後，是否可以隨時中止寬頻計劃？會不會涉及任何收費？

15.1 寬頻服務計劃合 約期為24個月，中途可以隨時取消計劃及不需要付中止服務費用。

15.2 每位申請人只可申請計劃一次，取消服務後將不能再次申請計劃。

15.3 若申請人同時申請收費的路由器、家居電話或其他增值服務，如中途取消服務則要付 中止服務費用。

16. 24個月之後，申請人可以繼續享用此免費寬頻計劃嗎？
免費服務為期24個月，申請人請於即將期滿前與香港寬頻聯絡續約或取消事宜。

第二期Ukulele常規訓練班已經完成抽籤,為方便大家，以下為正選及後備名單：

正選
1 正選 鄧雄佳
2 正選 莊欽海
3 正選 蘇美英
4 正選 黎萍
5 正選 關日基
6 正選 林乃文
7 正選 黎淑英
8 正選 郭笑男

後備
1後備 籤號17
2後備 杜秀珠
3 後備 呂志鴻
4 後備 劉景洪
5 後備 陳鳳怡

常規訓練課程舉辦嘅日子會係2026年4月1日至2026年5月27日（逢星期三）2點至3點半結束，注意4月29 日是沒有課堂的,而每次活動嘅集合時間將會係下午1點半喺何文田地鐵站A出口（第一個英文字母集合）。收費方面，每位會員$100（整個課程），另外亦會有$100按金（出席次數達75%或以上將會全數退回）, 注意是次活動只接受基本會員報名。

如果對活動有任何查詢，歡迎致電2760 0100與中心職員阿渝聯絡。

各位會員朋友，服務中心負責活動的同事係活動舉行前，或者活動當日，會以活動電話聯絡大家。此外，中心都繼續不定期舉行網上活動，同事都會用活動電話以whatsapp個別send活動連結比會員。

以下會讀出各職員手頭上的活動電話號碼，使用智能手機嘅大家可以先行將電話加入至手機通訊錄。

Iris：59301208
阿彬：66442214
阿Sa：69909656
阿揚：54215637
阿渝：95120403
阿Wing：63547383

活動電話只會在活動前或有需要時才開機，各位會員如果有任何查詢，請打返27600100查詢。而電話亦有機會由其他同事持有。

一般而言，服務中心舉辦之大部分活動，不論是戶外還是室內活動，於活動集合時間前2小時，如天文台已發出黃色、紅色或黑色暴雨警告或懸掛三號或以上熱帶氣旋警告 或八號預警或「極端情況」有關信號，活動均會取消。

而康文署活動，根據本年度與康文署最新之修訂，則需留意活動集合時間前3小時，如天文台已發出紅色或黑色暴雨警告或懸掛三號或以上熱帶氣旋警告 或八號預警或「極端情況」有關信號，活動均會取消。如在活動舉行期間發出 紅色或黑色暴雨警告信號，戶外活動將會取消，而室內活動會繼續舉行。

而與其他機構合辦之活動，如合辦團體有不同的惡劣天氣安全指引，負責職員會與對方商討合適安排，並於活動前公佈有關安排。

如遇特別情況，以中心決定為準。但參加者亦應考慮實際天氣及交通情況，判斷是否前往參加活動。

如果對活動有任何查詢，歡迎致電2760 0100與服務中心職員聯絡。

各位會員朋友，今次熱線教你點由何文田地鐵站黎到服務中心。
要係地鐵站黎服務中心需要經過四個部分，首先第一部份係由月台坐升降機到大堂出閘位，第二部份係由大堂出閘位坐升降機去A3出入口既行人天橋，第三部份係由地鐵A3出入口行人天橋去到接駁愛民邨既天橋升降機，最後一部份就係由愛民邨升降機行到去服務中心。
第一部份我地會教大家點由月台去到大堂出閘位。首先簡單介紹吓何文田站嘅月台位置分布，觀塘綫月台位於最底層嘅L7 ，但係往黃埔方向同往調景嶺方向嘅月台係唔相通嘅，需要去返L6轉車大堂先可以轉線，而屯馬綫月台就係打對面位於L4，大堂位於L2，而無論你喺觀塘綫定屯馬綫要搭升降機嘅話都係共用兩部升降機，呢兩部升降機都係比較接近B出口出閘位。
我哋會先講觀塘線兩個月台，再講屯馬綫。
觀塘線
如果大家搭觀塘綫嚟何文田，無論你係邊個方向嚟，升降機都喺第五卡第一個門嘅位置，入咗升降機後需要按突起警鐘制下第一個制，即係L2字，就可以直上大堂。
如果想搭扶手電梯嘅話，往黃埔方向，不論車頭定車尾都會有向上嘅扶手電梯，往調景嶺方向就係只有車頭才有扶手電梯，而且都係要上四堂扶手電梯先可以去到大堂閘機果層。因為比較複雜，我地比較建議用升降機。
出左升降機後沿引路徑左轉會有一條直行嘅引路徑，如果要去洗手間嘅會員，可以留意往右手邊嘅引路徑會去暢通易達洗手間，如果冇需要去洗手間嘅就無需理會任何引路徑常嘅分支，一路沿引路徑直行，就可以去到閘機。通常喺服務中心嘅活動我哋都會安排義工喺嗰度接大家，而呢個位置係比較接近B出口，就係出咗閘嘅右手邊，但係通常活動嘅集合地點會係A出口，大家只係需要出咗閘之後繼續向前行就會到。
屯馬線
如果坐屯馬綫嘅會員，我哋會建議大家去到往烏溪沙方向車尾(即往屯門方向車頭) 第八卡第三第四道門就會有扶手電梯，需要上兩段扶手電梯，就會到B出口出閘機。
如果想坐升降機，屯馬線月台近中間位置會有兩架𨋢，但因為架𨋢係落埋觀塘線，都比較繁忙，大家可能會等得比較耐。雖然話屯馬綫個月台係相通，不過中間其實有啲位係要兜大圈先至去到對面月台嘅，如果搭升降機嘅朋友，往烏溪沙方向嘅話升降機會喺第七卡第一道門，往屯門方向嘅話升降機會喺第四卡第一道門。
同觀塘線一樣，出左升降機後沿引路徑左轉會有一條直行嘅引路徑，如果要去洗手間嘅會員，可以留意往右手邊嘅引路徑會去暢通易達洗手間，如果冇需要去洗手間嘅就無需理會任何引路徑常嘅分支，一路直行，就可以去到閘機。通常喺服務中心嘅活動我哋都會安排義工喺嗰度接大家，而呢個位置係比較接近B出口，就係出咗閘嘅右手邊，但係通常活動嘅集合地點會係A出口，大家只係需要出咗閘之後繼續向前行就會到。

第二部份我地會教大家點由閘機去到A3出口行人天橋。比定個tips大家，黎中心通常都係要轉左嘅。
出左B出口閘機後，向十二點方向直行，左手邊分別會經過客務中心、A出口嘅出閘機同美心西餅。直行當聽到前方有扶手電梯聲音，左手邊聲音較密集果條就係向上通往A出口嘅長扶手電梯，而右手邊就係向下嘅。如果選擇唔用扶手電梯用升降機，就可以繼續往左面沿住引路徑行到升降機，前面十二點方向就係OK便利店，搵到條引路徑向左轉，就可以向A3方向繼續行啦。大家可以沿住引路徑一直行約3至5分鐘，當有分叉位時沿住引路徑繼續靠左，一直行到感覺微微向上斜，就到左三部升降機可以上A3行人天橋。
三部升降機都可以上到行人天橋，只要入到升降機禁突起警鐘以下嘅第一個制，就可以去到最高個層，即係U3，聽住升降機嘅廣播，就可以到達A3行人天橋嘅出口，留意千祈唔好出左忠孝街個層啊。
而下一條通告會介紹由地鐵A3行人天橋去到服務中心。如果仍然對路線有唔清楚既地方，歡迎致電2760-0100同服務中心職員聯絡。

今條通告我地主要講由地鐵A3行人天橋升降機去到服務中心。出A3行人天橋升降機後，靠住左手面向前行就開始進入第一條行人天橋，呢條天橋係無引路徑需要沿左手邊牆行，行到踩到提示磚後會有返引路徑，條引路徑會有少少轉彎，大家一直跟住引路徑行並且留意會有一條轉向左手面既引路徑支路，到時就要向左轉，如果冇轉左一路直行就會去左何文田邨。
轉左後繼續跟住小小轉彎既引路徑行，右面會係學車嘅一個停車迴旋處位置同何文田體育館，繼續沿引路徑行，行到踩到提示磚後當感覺微微向上斜，就進入左第二條行人天橋，即係接駁愛民邨既行人天橋。上左橋後沿引路徑向前行，係左手邊好快會有一部升降機，留意千祈唔好搭左果部，一直繼續沿住引路徑直行到橋既盡頭，右轉就會有兩部升降機啦。入升降機後，禁突起警鐘下面嘅第二個制，就係一樓，留意唔好落左地下啊，出左升降機後沿引路徑向左轉，面對馬路再沿引路徑向左轉，沿住引路徑直行再向左轉就係嘉民樓啦。入嘉民樓前要上四級樓梯就可以去到大門，入門口後沿引路徑直行，大約一點鐘方向會有樓梯，落一層，即係兩堂樓梯，就可以到六樓，轉左就係愛民村服務中心啦。
如果仍然對路線有唔清楚既地方，歡迎致電2760-0100同服務中心職員聯絡。

為提升視障人士在使用新一代的電子行人過路發聲裝置過路安全與便利，現介紹電子行人過路發聲裝置專用遙控器的功能與使用須知：
• 遙控器有兩大功能，1)觸發過路請求及2)改變過路聲模式。
• 電子行人過路發聲裝置在運行日間模式時，按動遙控器的按鍵並不會更改過路聲的聲浪，只會發出過路請求，減少等待時間。
• 改變過路聲模式只可以在夜間模式時使用，當發聲裝置接收到遙控器所發出的訊號時，將會暫時提高過路聲的聲浪。
• 遙控器設有兩個按鍵，分別是位於遙控器上方的垂直1字按鍵和位於下方的1個圓圈圖形按鍵。按下1字按鍵後，遙控器會發出1下聲響會暫時提高聲量10秒。按下圓圈按鍵後，遙控器會發出兩下聲響，會暫時提高聲量20分鐘。再次按下圓圈按鍵後，遙控器會發出3下聲響，代表關閉所有功能。
留意事項：
• 遙控器並不是防水設計，請避免在下雨時在沒有遮擋的環境下使用，以免遙控器內沾水後減低電池使用壽命或降低耐用性。
• 當電子行人過路發聲裝置連續30分鐘接收到同一遙控器所發出的訊號，該裝置會把這遙控器列入黑名單。該遙控器進入黑名單後，需要電子行人過路發聲裝置連續5分鐘沒有再接收到該遙控器的訊號，才會把該遙控器從黑名單中刪除。如在5分鐘內再次接收到相同遙控器的訊號，在沒有再接收到該訊號後才重新計算5分鐘。因為遙控器發出的訊號有一定距離，訊號能被路口中多個電子行人過路發聲裝置接收到，因此有可能同時間被多個裝置列入黑名單。
• 在現有政策下，遙控器每人限領一次，請妥善保管，暫時未有補發政策。領取時職員會使用手機測試軟件確認遙控器功能正常，一經簽收，不能退換。
• 遙控器使用 CR2032 鈕扣電池，如電量耗盡請自行更換。

康文署活動，如在活動舉行前3小時已發出紅色或黑色暴雨警告、三號或以上熱帶氣旋警告 或八號預警或「極端情況」有關信號，活動將會取消。如在活動舉行期間發出 紅色或黑色暴雨警告信號，戶外活動將會取消，而室內活動會繼續舉行。參加 者應考慮實際天氣及交通情況來判斷是否參加活動。

每位基本會員可於每一個年度登記一位「同行者」，同一年度的「同行者」必須為固定同一人。「同行者」必須為有能力於活動中照顧視障會員的人士，例如負責帶領出入活動場所、夾餸、讀菜單、參觀時協助朗讀展品介紹等等。如會員申請「同行者」參與活動，會方將不會為兩位額外安排義工協助，「同行者」參與活動時費用為活動成本價。

會方鼓勵各位提早登記，並必須於活動報名截止日期前三個工作天前提出申請。

中心審批每個申請時，除考慮申請人健康狀況外，也會考慮「同行者」身份、與會員的關係、「同行者」的身體狀況、照顧能力和責任感。而中心亦有規定，每次活動「同行者」人數將會是參加者人數的百分之五﹔如果「同行者」在活動期間未能履行同行者照顧責任，會員在往後三個月均不可以報名參加機構任何活動。中心期望在協助有需要的會員的同時，亦平衡到其他會員的權利。

會員除可考慮申請「同行者」參加活動外，亦可使用服務中心「與視同行社區支援計劃下」視事急先鋒服務接送往來。
如有任何查詢，歡迎大家致電2760 0100跟服務中心職員查詢。

各位會員大家好，我係與「視」同行社區支援計劃入面負責「視」事急先鋒社區支援服務嘅職員ANNIE。

「視」事急先鋒社區支援服務係由社會福利署資助的緊急支援服務，喺過去幾年間都盡力配合會員需要提供陪診、外出購物及辦事、以及家居清潔服務。「視」事急先鋒社區支援服務的目的係希望為缺乏社區支援的視障人士，例如:獨居或者同住家人均為視障人士嘅朋友，以及現正輪候或未獲安排綜合家居照顧服務的視障人士，提供短暫同埋臨時的緊急支援，以填補社區服務上的不足。

我們明白有不少視障人士需要本會的「視」事急先鋒社區支援服務，然而，社會福利署對本計劃的撥款資助不足以營運整個項目，機構亦因此需要為服務作出補貼。隨著申請服務人數不斷上升，機構的補貼亦倍數遞增，為了更有效地運用社會資源，本計劃的申請會以陪診服務優先，其後是外出購物及辦事服務。另外，經工作員評估後，如申請者符合資格申請地區支援服務，我們會協助作出轉介，同時會繼續提供服務給現正輪候社區服務的申請者，直至成功申請並獲得恆常的地區支援服務後，本會便會暫停其「視」事急先鋒的服務，如申請人獲得社區支援服務後仍有個別需要，例如社區支援未能提供服務，申請人可再次申請「視」事急先鋒社區支援服務。

為了讓本服務能夠可持續發展，以及平衡視障會員的需要，由二零二四年九月份起「視」事急先鋒的陪診、外出購物及辦事服務將調整收費至每小時$20，期望透過轉介服務令視障會員可以使用地區支援服務，令未能獲得相關地區支援服務的視障人士得到支援。

我地明白每一位視障朋友面對的困難都唔同，但由於我地的人手及資源有限，而服務範圍也涉及全港，我地未必可以滿足到所有視障朋友的需要，所以本會亦會因應個別需要作出服務轉介。如果大家想對計劃有更多認識及了解，歡迎大家在服務中心辦公時間內，致電2760-0100同Annie聯絡。而計劃的細節及服務須知，可收聽下一則熱線通告。

1.基本服務時間：星期一至星期六(公眾或法定假期除外)，上午9時至下午6時(特別情況例外)。   

2. 申請方法：
首次使用服務人士：申請人須於服務日期前一個月提出申請，工作員會先安排上門家訪，協助申請及登記「視」事急先鋒服務，然後再安排義工配對工作。
非首次使用服務人士：申請人須於服務日期前最少十四天提出「視」事急先鋒服務申請，以便工作員安排義工配對工作。      
申請人可以透過以下2個途徑申請服務：
第1個途徑﹕於服務中心開放時間致電熱線電話2760-0100登記。   
第2個途徑﹕填妥服務申請表(於本會網頁www.hkbu.org.hk下載)，電郵或傳真回本會服務中心，本服務電郵地址是sc@hkbu.org.hk。   
如有特別情況需要，請盡快聯絡工作員，職員收到申請後 ，會按情況進行審核及處理。   

3. 通知服務結果：工作員審核和配對義工後，會在服務日期前最少7個工作天致電申請人通知服務結果(特別情況例外)。義工的配對會由工作員負責，機構擁有安排服務的最後決定權。   

4. 收費計算：服務收費分為兩類
陪診服務方面:
收費為每小時$20，每次服務最少2小時。   
外出購物及辦事服務方面:
收費根據協議時間而定。服務使用者於使用外出購物及辦事服務前需要跟職員清楚陳述購物的內容，再由職員評估並與服務使用者定立協議之服務時間。於協議服務時間內之收費為每小時$20，每次服務最少2小時。如服務使用者最終使用服務的時數超過與職員定立協議之時間，超過協議的時數經職員評估後，將收回正價每小時$60。
陪診、外出購物及辦事首2小時服務後，以1小時為單位，每超過15分鐘則作1小時計算。(例子：如服務時間由下午1時開始，至下午4時15分，當日服務時數為4小時)。   
此外，義工在服務期間所有涉及服務的開支都須由服務使用者支付(如由接送點至目的地的交通費用)。   
服務使用者不須支付義工到達接送點和離開接送點後的交通費。   

5. 時間計算：以工作員確認服務時跟會員預約的日期和時間為準。如服務使用者遲到，會以預約的時間計算收費。但不包括服務使用者和義工自行配對的日期和時間。義工只會執行服務協定內的工作範圍，對於非協定內的工作，義工有權拒絕執行。   

6. 繳費方法：申請人需在完成服務後即時支付當天服務費用予義工，本會會以月結方式將收據寄給服務使用者。   
如服務使用者沒有支付服務費用，本會會記錄欠費，服務使用者須交回欠費才可申請下一次服務以及機構其他服務。   
完成服務後，工作員會有機會致電給服務使用者作服務意見跟進。   
如對上述資料有任何查詢，可以致電服務中心2760-0100與職員Annie聯絡。

各位會員，除了陪診、外出購物及辦事服務，我哋亦有家居清潔服務。家居清潔服務會與社企合作，由社企安排家務助理到會員屋企進行家居清潔。

有興趣使用服務的會員可以致電申請服務，首次使用服務人士，工作員會先安排上門家訪，協助申請及登記視「事」急先鋒家居支援服務，待社企安排家居清潔日期後，工作員會與社企協調，並通知會員最後確定的日期及時間。

而非首次使用服務人士: 申請人使用家居清潔服務後，如仍有家居清潔服務需要，必需再次致電中心申請，工作員會協助登記輪候，待社企安排家居清潔日期後，工作員會與社企協調，並通知會員最後確定的日期及時間。

輪候時間需時，何時獲得服務需視乎社企清潔公司檔期及輪候人數而定。

服務收費方面，扣除協進會提供的定額津貼，會員需要支付的費用為每小時70元，每次服務時間為三小時，所以每次家居清潔的收費會是210元。  

收費流程方面，服務使用者無須在服務當日繳付任何費用，職員會在服務後致電服務使用者了解服務成效及意見。服務使用者可將對這次清潔服務的意見用電話方式告知職員。繳交費用方面，服務使用者可選擇三個方式繳交費用: 一. 親身到服務中心繳交費用，服務使用者可在服務中心開放時間內來到中心繳交服務費用。二. 透過入數方式將費用入數至本會銀行戶口，並將入數紙拍照或截圖轉寄至工作員的工作手機賑戶。（銀行戶口及負責職員工作手機號碼等資料會在服務前後給予服務使用者）。三. 職員可預約時間前往服務使用者家中收取服務費用，以上繳費方法均需要在兩星期內完成繳費。

另外，服務使用者亦需提供清潔期間所需的清潔劑及用品，例如掃把、地拖、毛巾等。  
如對服務詳情有任何查詢，請致電服務中心2760-0100與職員Annie聯絡。

各位會員，榮華慈善基金為有需要之長者免費送贈發聲血壓計，目的希望透過血壓計送贈，讓長者養成定期量度血壓的習慣，了解自己的健康變化，作出適切的改善計劃，同時以智能科技協助長者日常健康管理。血壓計具備廣東話及英語發聲功能，另有大字體屏幕顯示血壓數值，方便查閱。

此計劃現時開放予符合申請資格之本會基本會員，而因個人健康狀況理由亦可透過本會社工轉介，申請人必須符合以下資格：
1. 本會基本會員，需要有視障證明如殘疾人士登記證
2. 年滿55歲或以上
3. 每月入息一萬三千元以下
4. 有長期病患，如心臟病、糖尿病、認知障礙、血壓高、血壓低、中風、關節炎、柏金遜病、癌症、膽固醇高、慢性氣管疾病、痛風症等。

申請人經本會社工轉介後，會由榮華慈善基金職員審批，而基金會或會向申請人索取證明文件審視申請資格。申請人將於社工轉介後14個工作天內收到榮華慈善基金職員Whatsapp確認審批情況，以及領取血壓計詳情。

請注意，一個同住家庭只可申領一部血壓計，而申請人必須擕同經本會社工填寫的轉介表正本親身到九龍觀塘開源道55號開聯工業中心A座7樓12室領取血壓計。

如對以上計劃有任何查詢，歡迎致電到職教中心2337 2736或服務中心2760 0100與各社工同事聯絡，亦可直接致電2155 5588與榮華慈善基金會聯絡了解詳情。

開設照顧者資訊分享WhatsApp群組WhatsApp群組裏面主要會發放社區上同照顧者相關嘅資料、政策或者新聞等等，例如一些社區實用資源、健康資訊等嘅網站。當然仲會第一時間有照顧者活動嘅最新消息啦。    

WhatsApp群組會以單向形式發放消息，即係只有作為群組管理員嘅職員可以發放消息。WhatsApp群組歡迎照顧者登記加入，如果有想關心社區資源嘅會員都歡迎加入，不過請大家留意，群組中的個人資料，例如組員的電話號碼，嚴禁外傳，請各位留意。    

有興趣的照顧者可以WhatsApp到59301208登記或致電27600100與Iris登記，職員會詢問簡單資料，大家快來介紹比你身邊嘅照顧者聽啦。  

服務中心舉辦之所有活動，於發出黃色、紅色或黑色暴雨警告或懸掛3號或以上風球期間均會取消，而中心主辦，即非康文署主辦之活動以舉行前2小時為準，而康文署主辦的活動將以舉行前3小時為準。如遇特別情況以中心決定為準。

參加服務中心活動的溫馨提示
由於服務中心活動參加者眾多，為有效善用活動名額，再次發出參加活動溫馨提示，請會員遵守以下規則：
1. 會員報名後，可於報名截止日期前退出，但不能於截止日期後申請退出。
2. 不能無故缺席活動。
3. 參加全日活動需完整出席全部行程。
4. 班組需達成75%出席率。
如會員未能遵守以上規則，需根據中心罰則接受懲罰，有關罰則可見下一條罰則通告。如有任何查詢，請致電服務中心2760 0100與職員聯絡。

「參與活動照顧者」 改名為「同行者」及申請方法 
 
各位會員，由2018年4月1日起本會因應會員需要，通過有需要的會員的家傭可透過「照顧者」身份參與活動，由2019年4月1日起更擴大「照顧者」範圍，讓有需要會員可向會方提出帶同家傭以外的照顧者參與活動。由本年度開始，為免各位與現時「照顧者服務」中的「照顧者」混淆，中心現決定將參與活動「照顧者」 改名為「同行者」。 
 
申請方法:  

「同行者」必須為有能力於活動中照顧視障會員的人士，例如負責帶領出入活動場所、夾餸、讀菜單、參觀時協助朗讀展品介紹等等， 
如會員申請「同行者」參與活動，會方將不會為兩位額外安排義工協助，「同行者」參與活動時費用為活動成本價。 

每位基本會員可於每一個年度登記一位「同行者」，同一年度的「同行者」必須為固定同一人。 

會方鼓勵各位提早登記，並必須於活動報名截止日期前三個工作天前提出申請。 

中心審批每個申請時，除考慮申請人健康狀況外，也會考慮「同行者」身份、與會員的關係、「同行者」的身體狀況、照顧能力和責任感。而中心亦有規定，每次活動「同行者」人數將會是參加者人數的百分之五﹔如果「同行者」在活動期間未能履行同行者照顧責任，會員在往後三個月均不可以報名參加機構任何活動。中心期望在協助有需要的會員的同時，亦平衡到其他會員的權利。 

會員除可考慮申請「同行者」參加活動外，亦可使用服務中心「與視同行社區支援計劃下」視事急先鋒服務接送往來。 

 如有任何查詢，歡迎大家致電2760 0100跟服務中心職員查詢。 

服務中心活動罰則通告
如會員觸犯活動規則 ，將根據以下情況作出懲處:
1. 如參加之活動為免費活動，該會員三個月內將不能報名任何免費活動。
2. 如參加之活動為班組活動，該會員半年內將不能報名任何班組活動。
3. 如參加之活動為收費活動，該會員仍需繳付活動之收費。
如對以上罰則有任何查詢，請致電服務中心2760 0100與職員聯絡。

以下係網上活動溫馨提示：
1.活動開始首15分鐘為緩衝時間，因需協助不同會員解決技術問題，請耐心等候。
2 參與活動期間，請避免背後有噪音。如使用應用程式進入，可考慮於不發言時將自己靜音。如使用固網電話進入，請盡量確保身處的環境安靜。
3. 發言前請先講出自己的姓名。
4. 發言時互相尊重、禮讓，避免叠聲。
5.請準時進入視像會議。

先到app store / google play搜尋Microsoft Teams，串法係「Microsoft Teams」，安裝左就得。係活動前我地會獨立whatsapp傳送一條加入群組嘅網址， 活動當日大家只要打開條網址就可以。跟住禁「以來賓身分加入」，允許取用麥高風，打反自己個名，加人會議。建議有wifi先好加入，因為apps會取用大家嘅流動數據用量。提一提大家下載後，如果係第一次打開app的話，會有得揀登入或免費註冊架。

我地會比一個電話號碼大家到時打入去，再輸入十幾個位嘅編號來加入，如果大家覺得有困難都唔緊要，仲有一個方法就係打來 27600100，我地會幫大家駁線。簡單來講就係好似3線電話咁，同時有幾個人係電話入面對話。

以下是有關報名活動後退出的安排及參加免費活動臨時缺席的安排
1. 按現時的規則，會員報名參加收費活動後退出，如中心未能安排到後補參加者，有關會員便需要繳交該次活動的費用。經檢討後，會員報名參加活動後，如在報名截止日期前退出，無論中心能否安排後補參加者，有關會員都不需要繳付該次活動的費用。
2. 中心不時會舉辦一些免費活動，但過往出現部份參加者於活動當天臨時缺席，亦沒有事前通知中心，對活動安排有甚大影響，同時亦浪費資源。為了減少這類情況出現，執委會決定於服務中心試行以下安排。會員報名參加免費活動後，如臨時缺席又沒有於活動前通知中心，有關會員將不可於缺席活動後的3個月內再報名參加本會的一次性免費活動。
上述兩項安排由即日起生效。如有任何查詢，請致電各中心與同事聯絡。

各位會員，非常感謝大家過去一直支持中心舉辦的各項活動。現時活動報名方法主要係以「先報先得」和「抽簽」兩種形式進行。由2020年4月1日起，中心活動，包括興趣及學習班、旅行、分區活動及大型聚餐(即聖誕及新春晚宴)等等，上述活動會以抽簽形式進行。但係如果一啲活動報名日期同活動舉辦日期 時間相隔好短既話，運作上實在無時間進行抽簽，咁我地仍然會採用「先報先得」既方法。不過大家放心，我地會係每個活動的熱線通告中都會講明呢個活動係抽簽定係先報先得的，一切準則將以熱線通告為準，服務中心將會保留最終決定權。如有疑問，歡迎致電服務中心 2760-0100 與職員聯絡。