大家覺得戀愛係點嘅呢？成日聽新聞都聽到好多愛情騙案，點解打住愛情嘅旗號會咁多人上當架呢？十月份分區活動五區齊來談戀愛活動將會喺10月8日星期二舉行，我哋會去長沙灣睇口述影像電影同埋飲茶。  

我哋會去睇口述影像版本嘅 我談的那場戀愛，電影簡介會係通告尾段讀出，睇戲時間會係朝早10:30至12:30，地點喺MCL 長沙灣戲院，之後會同大家過去長沙灣富臨酒家(地址: 長沙灣長沙灣道681號貿易廣場地舖及1樓2號舖)。  

當日集合時間係上午9:30係荔枝角港鐵站A出口(第一個英文字母)出閘位集合，飲完茶大概3點會同大家返長沙灣地鐵站解散。收費方面，會員每位$60，非會員每位$150，而同行者每位$100。費用已經包括戲飛同午餐嘅價錢。有興趣報名同我地談一場戀愛嘅會員朋友可於9月20日(星期五)下午3點至9月28日(星期六)下午3點，致電或whatsapp報名熱線27601162報名，每個電話可以報2個人。報名名額：新界西、新界東、港島區每區各有10個名額，九龍西有14個名額、九龍東有18個名額。如果報名人數多過名額，就會進行抽籤。抽籤結果會係9月30日(星期一)熱線中公佈。   

如對活動有任何查詢，歡迎致電2760-0100與各職員聯絡。    

電影簡介 

「愛情，只要你相信，就是真。」 
城中知名婦科醫生余笑琴雖被騙巨款，最後仍堅稱自己只是談了一場戀愛。 
喪夫數年的笑琴在交友軟件邂逅網騙集團的李偉祖，所偽裝的中年喪妻的法籍石油工程師。 
笑琴沉醉於網上情緣，而祖在為笑琴製造浪漫的過程中，亦找到樂趣與滿足。兩個本來不討喜的人，因為這場由欺騙開始的網戀，一點點地改變。