各位會員大家好！黎緊10月會有由康文署主辦，本會協辦嘅門球同樂日。門球係一項利用槌仔擊打門球進入指定龍門的團體運動，當中有其他細節的規則，所以可以有不同的策略和戰術。想了解多少少嘅你快D黎報名喇。 

康文署之門球同樂日活動會喺2024年10月8號(星期二)舉行。活動時間係下午2點至4點，地點會喺位於九龍荔枝角荔灣道嘅荔枝角公園。活動費用全免，歡迎本會嘅基本會員參加。參加者需要喺活動當日下午1點20分，喺美孚港鐵站A出口(即係第1個英文字母)出閘位集合。 

有興趣嘅基本會員可以係9月20日(星期五)下午3點至9月27日(星期五)下午3點，致電或者WhatsApp報名熱線2760-1162報名，每通電話可報1個人。名額14個，如果報名人數多過名額，活動就會進行抽籤，抽籤結果將會係9月30日(星期一)嘅熱線中公佈。 

如有任何查詢，歡迎致電2760-0100與職員阿彬聯絡。