各位會員，下個月10月27日就係白杖日心睇力行慈善步行暨共融嘉年華嘅大日子，我哋希望透過活動向公眾傳達視障人士能夠踏出社會、平等參與及「手執白杖，獨立自強」的訊息，同時亦為本會服務籌募經費。作為自助組織嘅成員，各位會員嘅參與非常重要，我哋陸續收到會員報名參加3.5公里慈善步行。無論你當天能否出席本年度的白杖日活動，我哋都希望在此呼籲各位會員朋友與我們一起籌募款項，以繼續支持本會為視障人士提供所需服務。

為答謝大家嘅支持，今年最高籌款額嘅頭30位會員，將會獲贈香港迪士尼贊助嘅豐富獎品，包括最高籌款額嘅頭15位會員，均可獲贈迪士尼門票兩張，而16-30名嘅會員則可獲贈迪士尼人物Duffy系列精美茶杯套裝一套。獎品咁吸引，希望大家踴躍參與啦！

參加的會員朋友可由即日起至10月15日期間把籌得的款項交予行政辦事處。每位會員的最低籌款額為港幣500元。得獎結果及領獎安排會待白杖日活動完結後再公佈。

會員朋友如有查詢，歡迎致電23390666與行政同事聯絡。