各位會員大家好！八段錦係一種係中國古代發明嘅健身方法，由八種肢體動作組成，內容包括肢體運動和氣息調理。黎緊12月至1月會有由康文署主辦，本會協辦嘅八段錦訓練班，等大家可以學習八段錦技巧。
康文署之八段錦訓練班活動會喺2024年12月23、30、2025年1月6及13號逢星期一舉行，活動時間係上午10點至中午12點，地點會喺位於十二號山忠義街1號嘅何文田體育館。活動費用全免，歡迎本會嘅基本會員參加。參加者需要喺活動當日上午9點30分，喺何文田港鐵站A出口(即係第一個英文字母)出閘位近美心餅店位置集合。
有興趣嘅基本會員可以係11月15日(星期五)下午3點至11月22日(星期五)下午3點，致電或者WhatsApp報名熱線2760-1162報名，每通電話可報1個人。名額12個，如果報名人數多過名額，活動就會進行抽籤，抽籤結果將會係11月25日(星期一)嘅熱線中公佈。
如有任何查詢，歡迎致電2760-0100與職員阿彬聯絡。