由勞工及福利局資助，2024至25年度成人教育資助計劃開辦嘅視障人士進階智能手機應用程式(出行與導航)應用課程即將開始啦！如果大家有用蘋果智能電話而熟習使用交通工具例如九巴、港鐵嘅應用程式同埋不同導航地圖應用程式例如Moovit、高德地圖等等，無論自己出街揾路揾車都方便唔少架。如果有興趣的話就要留意以下詳情啦︰

今次課程舉行日期為2024年12月5日、12月12日、12月19日、2025年1月2日、1月9日同1月16日，六個星期四晚上7點正至9點正，一共6堂，上課地點為職教中心。出席課堂八成或以上嘅學員，將獲發由本會發出嘅修業證書乙份。如有興趣嘅會員，可以由即日起，係辦公時間內致電2337 2736向職教中心職員報名，截止報名時間為11月23日(星期六)下午6點正。本次課程的名額為10位基本會員，如超過10人報名，會以抽籤形式篩選參加者，正選名單會於11月25日熱線通告內公佈，課程費用為每位$20。請注意，如於報名期截止後才退出報名，或於上課期間多次無故缺席的話，將依相關活動章則列為黑名單處理，詳情請參閱相關通告。如果大家對今次課程有任何查詢，歡迎係中心辦公時間內同Keith聯絡。