60周年聖誕聯歡晚宴報名期已結束，並已經讀出左正選同後備名單，我地會安排喺11月15日(星期五)下午3時至 11月20日(星期三)下午3時，幫參加晚宴嘅會員朋友組圍，如果大家想同朋友仔坐同一圍的話，請先得到對方嘅同意先至好安排組圍呀。要義工幫手嘅建議每圍8個會員，唔要義工幫手嘅就每圍12個會員，同時由於圍數較多，我地會盡量為大家作出組圍上嘅安排。另外，如果有需要係港鐵站以外地點接送的會員，請於11月20日(星期三)下午3時前致電通知中心，好讓中心作出接送安排。而有需要擄同導盲犬出席的會員亦請事先通知中心，以便作出坐位上的處理。

60周年聖誕聯歡晚宴將會係12月10日 (星期二)於太子彌敦道750號始創中心6樓601舖嘅尚悅軒舉行。晚宴時間係晚上7時到9時30分舉行。收費方面基本會員同贊助會員、以及其4至18歲子女每位$180、非會員每位$495，同行者每位$330。     

如果要接送既會員，請於晚上6點30分係太子港鐵站大堂B出口(即係第2個英文字母)出閘位置集合，逾時不候，敬請留意。如果自行到會場的會員，就請係7點前到達會場。 

當日的菜單如下：  

尚喜乳豬伴海蜇，XO醬翡翠炒花枝蚌片，田園伴脆炸蝦丸，紅燒花膠海參羹，蠔皇花菇扣鵝掌，清蒸珍珠龍躉斑，濃湯雲耳浸時蔬，一品脆皮炸子雞，蝦湯鮮菇炆伊麵，蛋白海皇炒飯，精美小甜點 

如對上述活動有任何查詢，請致電2760-0100與服務中心各職員聯絡。