各位會員大家好！平時大家去到健身室，對住啲健身器材，會唔會有時都無從入手呢？由康文署主辦，本會協辦嘅器械健體訓練班，就會有教練教大家正確及安全使用健身器材嘅方法，同埋認識體適能同運動嘅概念。

活動會喺2025年7月4、11、18及25日連續4個星期五擧行，活動時間係下午2點至4點，地點會喺位於佐敦寶靈街17號官涌市政大廈嘅官涌體育館。活動費用全免，歡迎本會嘅基本會員參加。參加者需要喺活動當日下午1點30分，喺佐敦港鐵站C出口(即係第3個英文字母)出閘位集合。

有興趣嘅基本會員可以係6月17日(星期二)下午3點至6月24日(星期二)下午3點，致電或者WhatsApp報名熱線2760-1162報名，每通電話可報1個人。名額14個，如果報名人數多過名額，活動就會進行抽籤，抽籤結果將會係6月26日(星期四)嘅熱線中公佈。

如有任何查詢，歡迎致電2760-0100與服務中心職員阿Sa聯絡。