各位會員朋友，大家好！曾經支持同鼓勵過好多視障同學既李朱淑鈞教育基金獎勵計劃2025現已接受報名啦！李朱淑鈞教育基金獎勵計劃既成立目的，係想以獎學金形式鼓勵視障青年在學業方面努力進取，熱心社會服務及個人成長與發展。

今年獎學金申請資格繼續係本港認可既註冊教育機構接受融合教育既視障學生，或者係年齡屆乎15至30歲嘅視障青年都可以報名。獎學金分設學術組及非學術組，學術組只限現時接受融合教育嘅視障學生報名，學術組下面再細分大專組、中學組及小學組。而非學術組呢，學生同非學生都可以報名嫁，下面分別設有公開組、大專組及中學組。如果你現時係學生，成績又優異，歡迎你報名學術組；如果你係學生或者係15至30歲嘅青年，響個別領域有唔錯嘅發展，例如係運動、才藝、社會服務方面，歡迎你報名非學術組，不過請留意今年起非學術組不接受以音樂項目申請獎學金。
至於獎學金金額，學術組中嘅大專組係$5000、中學組係$3000及小學組係$1000，而非學術組中嘅公開組及大專組獎金係$3000、中學組係$2000。希望獎金能夠以表揚克服視障, 從而獲取優異成績，或積極發展個人潛能、熱心服務社會的視障青年啦。

此外，此計劃亦設「良師益友嘉許計劃」，表揚在主流學校協助視障學生愉快學習、融入校園的好老師和好同學。

以上計劃的報名表格已上載到協進會嘅網站，網址係www點hkbu點org點hk。李朱淑鈞教育基金報名嘅截止日期係二零二五年六月三十日，良師益友嘉許計劃嘅面試嘅截止日期係二零二五年七月三十一日，李朱淑鈞教育基金面試初定日期係二零二五年七月，頒獎禮則會響二零二五年九月舉行，敬請大家注意喇。而詳情可以致電23372736與職教中心同事查詢。