各位會員大家好！黎緊7月會有由康文署主辦，本會協辦嘅坐式有氧同樂日。呢個運動主要係坐喺張櫈上面做唔同簡單嘅帶氧運動。因爲運動量較低，所以都適合中高齡人士參與，係深受長者歡迎嘅一項運動。如果有興趣嘅基本會員就要留意以下詳情啦！

活動會喺2025年7月15號（星期二）舉行。活動時間係下午2點至4點，地點會喺何文田體育館。參加者需要喺活動當日上1點30分，喺何文田港鐵站A出口(即係第一個英文字母)近美心西餅位置集合。本次活動費用全免，歡迎本會嘅基本會員參加。

有興趣嘅基本會員可以係6月13日(星期五)下午3點至6月18日(星期三)下午3點，致電或者WhatsApp報名熱線2760-1162報名，每通電話可報1個人。名額14個，如果報名人數多過名額，活動就會進行抽籤，抽籤結果將會係6月19日(星期四) 嘅熱線中公佈。

如有任何查詢，歡迎致電2760-0100與職員阿Sa聯絡。