粵韻知音齊和唱

唔知大家平時有無聽或者唱粵曲的興趣呢？之前服務中心都舉辦過一些由中樂組樂師為大家伴奏，包括{我伴你唱及你唱我奏}等一系列的經典活動，等對粵曲有興趣的會員朋友，可以體驗下有現場伴奏，演唱粵曲的氣氛，今年，大家的機會又來啦，參加者可由以下12首歌曲，選取1首，同一齊報名的朋友合唱。如果係一個人報名活動的話，都唔洗擔心，我地有中樂組的唱口組員同大家合唱。大家在報名的時候，可以選定2首後備歌曲，如果有多過一位參加者揀選同一首歌曲的話，會進行抽籤。
曲目包括：
1. 艷曲醉周郎
2. 洛水夢會
3. 關公月下釋貂蟬
4. 打金枝
5. 十二欄杆十二釵
6. 花田錯會
7. 望冮樓餞別
8. 樓臺會之良朋
9. 李後主之去國歸降
10. 庵遇
11. 六月雪之大審
12. 幻覺離恨天

活動日期會係9月28日（星期日）舉行，地點係愛民服務中心。參加者需要係活動當日1：15分，到達何文田服務中心，活動由下午1：30正式開始，至大約5：00完結。本次活動費用全免，

有興趣嘅基本會員可於6月13日(星期五)下午3點至6月20日(星期五)下午3點，致電或者Whatsapp報名熱線2760 1162報名，每個電話可以報2個人。演唱名額12個（分別是6位平喉同6位子喉），成個活動總共會唱6首歌曲。而旁聽名額就有8個，如果報名人數多過名額，就會進行抽籤。抽籤結果將會係6月23日(星期一)嘅熱線中公佈。

如果有任何查詢，歡迎致電2760 0100與服務中心職員阿Sa聯絡。