各位會員朋友大家好！之前都係由中學生陪大家買日常用品，今次我地就同都會大學合作，由都會大學嘅同學仔陪大家去超市購物，今次同樣準備咗每人一百元超市劵送比參加者係活動中使用，有興趣嘅會員朋友就要留意啦：

活動會係6月21日(星期六)舉行，活動時間係下午4點30分至大約下午6點左右，地點係位於九龍城愛民邨愛民廣場地下嘅百佳超級市場。參加者需要係活動當日下午4點15分，係港鐵何文田站A出口出閘位(近美心餅店位置)集合，集合之後會由都會大學嘅同學仔陪大家行去愛民邨百佳買野，大家如果有特別想購買既物品，請係報名時提出，方便學生準備，買完就會送返大家去何文田港鐵站解散。

活動費用全免，只限本會基本會員參加。為咗比更多會員可以參加，本次活動會以未參與上次中學生陪你買日用品12345的會員優先。

有興趣嘅基本會員可於6月10日(星期二)下午3點至6月14日(星期六)下午5點，用Whatsapp或致電報名熱線2760 1162報名，每個電話可以報1個人。名額有10個，如果報名人數多過名額，活動就會進行抽籤。抽籤結果將會係6月16日(星期一)嘅熱線中公佈。

最後再提多次，當日送贈的百佳超市劵係必須於當日活動中使用，敬請留意。

如果有任何查詢，歡迎致電2760 0100與服務中心職員思韻聯絡。