本會獲社會福利署殘疾人士藝術發展基金資助，舉辦「樂．無限」視障人士音樂潛能發展計劃，透過為期14個月嘅課程、排練及演出，學習樂器演奏或者合唱技巧，課程進行之前，而家就有一次體驗機會喇。

體驗班可選的班別包括： 二胡、口琴、結他、敲擊(即木箱鼓加彩虹鐘)、同埋無伴奏合唱，共5個類別。體驗班會係7月10日星期四，係服務中心舉行，每班需時45分鐘，各班嘅舉行時間如下：

7月10日早上會有4班進行，分別係

早上9時30分 至 10時15分 敲擊 第1班

10時30分 至 11時15分 敲擊 第2 班 同埋 口琴 第1班

11時30分 至 12時15分 口琴 第2班

下午就有6班進行，分別係

下午2時 至 2時45分 二胡 第1 班

3時 至 3時45分 二胡 第2 班 同埋 結他 第1 班

4時15分 至5時 結他 第2 班 同埋 無伴奏 第1班

5時15分 至6時 無伴奏 第2班

活動費用全免，歡迎本會嘅基本會員參加。參加者如需要係地鐵站接送到中心，可以係活動開始時間前15分鐘，係何文田港鐵站大堂A出口集合(即第一個英文字母)。

有興趣嘅基本會員可以係6月13日(星期五)下午3點至6月23日(星期一)下午3點，致電或者WhatsApp報名熱線2760-1162報名，每通電話可報1個人，每人最多報2個類別班組，每時段只能報1班，而每班名額8位，如果報名人數多過名額，活動就會進行抽籤，抽籤結果將會係6月26日(星期四)嘅熱線公佈。

如有查詢，歡迎致電2760 0100同服務中心職員阿盈聯絡。