各位會員朋友大家好，又黎到一年一度嘅會員大會晚宴喇，今年晚宴會喺2025年8月3日(星期日)喺位於九龍觀塘開源道79號鱷魚恤中心6樓嘅玉桃軒舉行，時間係晚上嘅7點至大約9點。菜單方面，請留意下一則通告。收費方面︰如果在下午2點30或之前登記及出席會員大會嘅基本會員同贊助會員每位$190，反之，在下午2點30分後登記出席或無出席會員大會嘅會員、以及其4至18歲子女每位$260、同行者每位$320、非會員每位$500。

而會議方面，當日會員大會開始登記時間為下午1點30分，而會議將於下午2點至大約6點喺九龍觀塘翠屏道3號基督教家庭服務中心禮堂舉行，參加者可以喺當日下午1點15分至1點30分去到觀塘港鐵站D出口(即係第4個英文字母)出閘位置集合，我地會有義工同大家去到會場。

至於只係參加晚宴嘅會員朋友，就請喺當日晚上6點15分至6點30分去到觀塘港鐵站大堂A出口(即係第1個英文字母)出閘位置集合，逾時不候，敬請留意。或者可於晚上6點45或之前自行到鱷魚恤中心6樓嘅玉桃軒。
 
有興趣嘅會員朋友可以係6月17日(星期二)下午3點至6月30日(星期一)下午3點，致電或者WhatsApp到報名熱線2760 1162報名，每通電話可報4個人。名額200個，如果報名人數多過名額，活動就會抽籤，抽籤結果會係7月3日(星期四)的通告中公佈。

我地會安排喺7月7日(星期一)下午3時至 7月21日(星期一)下午3時，幫報咗名參加晚宴嘅會員朋友組圍，如果大家想同朋友仔坐同一圍的話，請先得到對方嘅同意先至好安排組圍呀。要義工幫手嘅建議每圍8個會員，唔要義工幫手嘅就每圍12個會員，同時由於圍數較多，我地會盡量為大家作出組圍上嘅安排。
   
如對上述活動有任何查詢，請致電服務中心2760-0100與各職員聯絡。