各位會員大家好！攀石呢樣運動聽落會唔會覺得好難呢，大家又會唔會想挑戰下呢？嚟緊會有由康文署主辦，本會協辦嘅康文署之攀登同樂日，比大家體驗下攀登嘅玩法同埋樂趣。

康文署之攀登同樂日活動會係12月11號(星期三)舉行，活動時間係下午2點至4點，地點係荃灣永順街53號嘅荃灣體育館。活動費用全免，歡迎本會基本會員參加。 今次會有兩個集合時間同地點，第一個係下午1點20分，係美孚港鐵站，荃灣綫往荃灣方向月台車頭位置集合，到時會同大家一齊係美孚搭屯馬綫去荃灣西，第二個係下午1點30分，係荃灣西港鐵站D出口(第四個英文字母)出閘位集合。

有興趣嘅基本會員可以係2024年11月26日(星期二)下午3點至12月3日(星期二)下午3點，致電或者WhatsApp報名熱線2760-1162報名，每通電話可報1個人。名額12個，如果報名人數多過名額，活動就會進行抽籤，抽籤結果將會係12月5日(星期四)嘅熱線中公佈。

如有任何查詢，歡迎致電2760-0100與服務中心職員阿彬聯絡。