我地同香港愛樂盟扶輪社合辦既瑜珈體驗班嚟到第十五期啦！瑜珈班會以輕鬆形式比大家體驗瑜珈既樂趣，有興趣既會員朋友就要留意啦： 
 
活動會係3月8，15，22同29日(逢星期六)舉行，一共4堂，時間係早上10點至11點15分，地點係位於九龍彌敦道 469-471 號新光商業大廈 17 樓1703 室嘅瑜心舍油麻地分館。參加者需要係活動當日上午9點30分，係油麻地港鐵站C出口大堂(第三個英文字母)集合，到時會有扶輪社義工同大家一齊去瑜心舍上堂，落咗堂就會去返油麻地港鐵站解散。 

活動費用全免，只限基本會員報名參加。大部分名額會優先比從未參加過呢個班既會員朋友。另外瑜珈涉及全身拉筋練習，建議會員係報名前留意自己身體狀況是否適合上瑜珈班。此外亦建議大家盡量出席所有課堂。

有興趣既基本會員可以係2月19日(星期三)下午3點至2月25日(星期二)下午3點，用Whatsapp或致電報名熱線2760 1162報名，每個電話可以報1個人，名額12個，如果報名人數多過名額，活動將會抽籤，抽籤結果會係2月27日(星期四) 嘅熱線中公怖。如果有任何查詢，歡迎致電2760 0100與職員思韻或善善聯絡。 

提提大家，如果活動前2小時(即上午7點30分)，天文台發出黃色、紅色、黑色暴雨警告，或8號以上強風信號，活動便會取消，而3號強風信號期間，則會視乎天氣情況而決定是否取消，活動前會再以電話方式聯絡大家有關安排，敬請留意。