各位會員，大家好，我係香港失明人協進會執委鄧婉薇，亦都係服務中心主席。新的一年，我先祝大家身體健康，萬事勝意，蛇年行大運！協進會60周年慈善獎劵義賣已經係1月17日開始左啦！每張獎劵港幣十元，唔知你地推銷左幾多呢?協進會的各項服務有賴籌募經費，得以開展，每一分每一毫對協進會都非常重要。請大家多多支持！黎緊我地會係黃埔、北角同埋觀塘都會擺設街站，直接向公眾人士推銷獎劵籌募經費，希望大家能夠抽出你地寶貴的時間在街站當值，我地會有職員同埋義工協助，請大家多多幫忙，踴躍響應，希望到時係街站見到你地啦！