有參加聖誕晚宴嘅朋友仔應該有聽到由我哋上一期無伴奏合唱團表演嘅漫步人生路同埋聖誕歌，嚟緊我哋會繼續開班，今次嘅目標係學完之後去唔同嘅老人院度做啲表演，希望將歡樂大髀唔同嘅朋友仔。亦都會招募有興趣一齊玩嘅新朋友，有興趣嘅就唔好錯過啦。

無伴奏合唱音樂體驗班新一期招募，今次我哋繼續邀請到Karen老師同大家玩音樂，課堂時間係2月12號開始逢星期三嘅下晝1：15至到2：45，最後一堂會喺4月16日，之後會安排喺表演，表演日期未定，預計會係四至五月去兩至三間老人院度表演。無伴奏合唱是近年非常流行的音樂表演，以純人聲音樂取代所有樂器。體驗班將會有10堂，會教大家基礎無伴奏合唱技巧、唱歌技巧、人聲敲擊訓練等，體驗班同時接受所有會員同照顧者報名，歡迎咁多位會員帶埋你哋嘅屋企人、照顧者一齊玩。無需音樂底子，但係鼓勵大家所有課堂同表演當日都出席先可以有個完整嘅學習。今次小組一共有10堂，逢星期三下午1:15至2:45，日期分別係2月12，19，26日，3月5，12，19，26同4月2，9，16日，其中2月19同26號上堂時間會係1:30至3:00。舉行地點係何文田服務中心。會員可1:15前到服務中心，如需係地鐵站接送，請係12:45到何文田站A出口等，會有義工接大家過中心，

如有興趣嘅會員同照顧者可以係1月21日星期二下午3點至2月1日星期六下午3點致電或whatsapp 報名熱線2760 1162報名，一個電話可以報兩人，名額8人。如果報名人數多過名額，活動將會以抽籤形式進行，抽籤結果將會於2月3日(星期一) 的熱線通告入面公佈。參加者每位會收$50費用。如有任何查詢，請致電2760-0100與職員iris聯絡。