協進會60週年嘅慶祝活動差唔多去到尾聲，啱啱踏入2025年就同大家動下腦根黎個問答比賽，考下大家對協進會60年嘅發展有幾多認識啦！又有抽獎環節可以比更多會員參與一齊慶祝又到新一年。

「60週年網上問答比賽暨新春大抽獎」活動日期將會係1月25日星期六中午同晚上舉行，活動會分為兩部份：第一部份係大家期待已久嘅新春大抽獎，比大家熱下身先，時間係中午1點半至2點半，我哋將會喺登記咗抽獎的會員之中抽出得獎者，而抽獎禮物會係禮劵為主。中午1點半開始會俾大家駁線或者進入Teams，歡迎大家一齊聽住抽獎進行。

第二部份就係重頭戲 嘅網上問答比賽，時間係下午4點半至8點，我哋會有非常緊張刺激嘅即時問答環節比大家玩。4點半開始就會比大家進入Teams或者駁線。我哋會即時問關於協進會歷史、發展、服務等等嘅問題考大家，只要限時內答啱就會得到豐富禮物。稍後我哋會再有通告比d tips大家，敬請留意。

本次網上活動歡迎本會基本同贊助會員報名，想報名嘅會員可於1月3日(星期五)下午3點至1月21日(星期二)下午3點，用Whatsapp或致電報名熱線2760 1162報名，每位成功報名的會員將會獲派一個抽獎編號，一通電話或whatsapp可以報5個名。

今次網上活動的平台為Microsoft Teams。如果唔識上網或用智能電話的會員，大家都可以到時打電話去中心27600100協助駁線。我地會在活動前再有溫馨提示及將會議連結傳送到大家的whatsapp。

抽獎當天的得獎名單以及問答比賽的結果我地都會在活動後的熱線公佈。

如果有任何查詢，歡迎致電27600100同中心職員IRIS或思韻聯絡。