我地得到東區崇德社贊助我地嚟緊開設唔同嘅手工工作坊，希望可以發掘大家對做手工嘅興趣，甚至將興趣發展成為大家日嘅事業。就快到農曆新年，除咗買啲揮春裝飾吓間屋，有冇諗過自己整呢？寫毛筆字可能對視障朋友會有啲困難，所以我哋搵咗一種拓印畫，只要用工具沾上顏料印下印下就可以印出各種各樣嘅圖案，有福字啊、2025年蛇年祝賀等等。

今次嘅蛇年拓印揮春工作坊活動會係1月27日(星期一)舉行，工作坊時間係上午10點半至12點半，地點係愛民服務中心。參加者如需要係地鐵站接送到中心，可以係當日上午10:15，係何文田港鐵站A出口(近美心餅店位置)集合。活動費用全免，歡迎本會基本及贊助會員報名參加。

有興趣嘅會員可以係1月10日(星期五)下午3點至1月18日(星期六)下午3點，用Whatsapp或致電報名熱線2760 1162報名，每通電話可報2個人。名額12個，如果報名人數多過名額嘅話，就會進行抽籤，抽籤結果將會係1月20日(星期一)嘅熱線中公佈。

如果有任何查詢，歡迎致電2760 0100與服務中心職員iris聯絡。