各位會員大家好，農曆新年就快到啦，係到先祝大家身體健康，心想事成。  
一年一度嘅春茗又嚟啦！協進會既「蛇年賀歲迎新春」將會係2025年2月18日(星期二)，即係農曆正月廿一，於晚上6點半至9點，係黃大仙龍翔道136號黃大仙中心北館2樓嘅百樂金宴舉行。菜單方面可以收聽之後通告
需要接送既會員係當日下午5點30分至6時15分，係黃大仙港鐵站B出口(即係第2個英文字母)出閘位集合，逾時不候，敬請留意。
收費方面，會員每位$190、非會員每位$520，同行者每位$340。 
有興趣嘅會員可以係1月14日(星期二)下午3點至1月25日(星期六)下午3點，致電或Whatsapp報名熱線2760 1162報名，每通報名電話可以報4個人。名額共有240個，如果報名人數多過名額，就會以抽籤形式進行。抽籤結果將會係1月27日(星期一)熱線通告公佈。  
公佈結果之後，由1月27日(星期一)中午12點至2月7日(星期五)下午3點幫已經報名參加晚宴嘅會員組圍。如果大家想同朋友仔同一張枱嘅話，請先得到對方嘅同意先至好安排組圍啊。要義工幫手嘅建議每圍8個會員，唔要義工幫手嘅就每圍12個會員，由於圍數較多會盡量為大家作出團組上嘅安排。
如對活動有任何查詢，歡迎致電服務中心2760-0100與各職員聯絡。