各位會員朋友大家好！話咁快又新年啦！嚟緊 2 月會同各位照顧者同會員朋友去有「香港後花園」之稱嘅西貢一日遊！

照顧者旅行 康文署之西貢一日遊會係 2 月 15 日(星期六)舉行，歡迎視障會員同埋佢哋嘅屋企人或者照顧者參加，活動時間係上午 9 點至大約下午 5 點左右，我地會係活動當日上午 9 點，係黃大仙港鐵站 D 出口(即第 4 個英文字母)出閘位集合。集合之後，我地會先搭旅遊巴參觀獅子會自然教育中心 之後到全記海鮮菜館食午飯，之後會同大家行下西貢巿中心，行完就會搭返旅遊巴返黃大仙港鐵站解散。

當日的菜單如下： 鹽焗雞、碧綠泡蝦仁、清蒸海上鮮、椒鹽鮮墨魚、蝦乾梅菜蒸排骨、鹹魚肉鬆扒豆腐、金銀蒜蒸茄子、西貢油菜、絲苗白飯。收費方面，基本會員同照顧者都係每位 $80元。

有興趣嘅照顧者同埋視障會員，可以係 1 月 14 日(星期二)下午 3 點，至 1 月 25 日(星期六)下午 3 點，致電或 whatsapp 報名熱線2760 1162 報名，每個電話可以報 2 個人，名額係20對視障會員及其照顧者，報名時會問照顧者同視障朋友嘅關係以便登記，照顧者可以係視障或健視都可，如有需要可以安排義工比視障照顧者。如果報名人數多過名額，就會進行抽籤。抽籤結果會係 1 月 27 日(星期一) 的熱線中公佈。

如果有任何查詢，歡迎致電 2760 0100 同中心職員Iris或者善善聯絡。