各位會員朋友大家好！黎緊2月會有遠足活動呀，今次由康文署主辦、本會協辦嘅遠足，康文署之船灣淡水湖遠足活動將會係2025年2月8日(星期六)舉行。到時我地會同大家去船灣淡水湖行下，今次路線比較簡單，大多數平路。活動時間會係上午9至下午5點。集合時間係上午8點45分，喺黃大仙地鐵站D出口(即係第四個英文字母)出閘位集合，收費方面，會員每位$60、同行者每位$90，非會員每位$150。

我地會首先坐旅遊巴由黃大仙去大尾篤燒烤場，之後我地喺燒烤場去完洗手間之後起步，首先行左船灣主霸，如時間許可，我地會行埋副霸，全程大約2-3個小時，所以大家如果有興趣報名嘅話，除左量力而為之外，活動當日記得記得記得食左早餐先，同埋可以嘅話就帶足夠嘅乾糧同水補充體力。行完淡水湖之後，我地會乘旅遊巴去位於大埔頌雅路6號富亨商場地下6號舖嘅嘉年華海鮮酒家食個下午茶，飲完茶之後我哋就會坐旅遊巴回黃大仙解散。

有興趣參加嘅會員，可以喺1月21日(星期二)下午3點至1月28日(星期二)下午3點致電或者Whtasapp報名熱線2760-1162報名，每通電話可以報2人，名額26個，如果報名人數超過名額，活動會以抽籤形式進行，抽籤結果將會喺1月30日(星期四)嘅熱線通告入面公佈。

如有任何查詢，歡迎致電服務中心2760 0100同職員阿彬聯絡。