各位會員朋友大家好！黎緊2月份會有由康文署主辦、本會協辦嘅康文署之林村許願日活動，活動將會喺2025年2月16號(星期日)舉行。活動時間係上午10點至下午大約5點，參加者需要喺當日上午9點45分，喺黃大仙地鐵站D出口(即係第四個英文字母)出閘位集合，收費方面，會員每位$90，同行者每位$150，非會員每位$220。活動當日我地會喺黃大仙正德街上旅遊巴去林村許願廣場行下，行完之後會乘坐旅遊巴前往位於沙田盛田街1號秦石商場地下17A號舖嘅百悅軒用膳，菜單包括︰鮮蝦菜苗餃、蝦子燒賣、蒜蓉蝦春卷、燒鵝大拼盤、翡翠炒龍躉球、蟲草花蒸龍躉頭腩、菠蘿咕嚕肉、北菰扒唐生菜、瑤柱蛋白炒飯、養顏紅棗糕。食飽之後，乘坐旅遊巴前往香港文化博物館參觀，參觀完之後，大約4點會上旅遊巴返回黃大仙正德街解散，解散時間大約5點。

有興趣參加嘅會員，可以喺1月28日(星期二)下午3點至2月4日(星期二)下午3點致電或者Whatsapp到報名熱線2760-1162報名，每通電話可以報2人，名額32個，如果報名人數超過名額，活動會以抽籤形式進行，抽籤結果將會喺2月6日(星期四)嘅熱線通告入面公佈。

如有任何查詢，歡迎致電服務中心2760 0100同職員阿彬聯絡。