各位會員大家好！平時我地嘅活動可以順利進行，義工朋友都擔當住好重要嘅角色。為咗可以讓多d新訓練嘅義工可以更有信心踏出佢地嘅第一步，開始參與我地嘅服務，新義工系列的活動，會大家一齊整一些簡單的野食或手作，除左可以等大家同新義工互相認識之外，新義工同時都可以應用佢地係義工訓練學到嘅技巧同大家相處。 
2月係情人節的月份，我地就整下d簡單的甜品，等大家隨時都可以複製呢種甜蜜的感覺啦~ 今次我地會整法式焦糖蜂蜜杏仁船的。呢個係法式經典的甜味小食，由杏仁片加上濃郁的焦糖配埋香脆船型的糯米餅組成的。

活動會係2月15日(星期六)舉行，活動時間係下午2點至4點半，地點係愛民服務中心。參加者需要係活動當日下午1點45分，係何文田港鐵站A出口(近美心餅店位置)集合，到時會由新義工同大家一齊行去服務中心。活動只限基本會員報名參加，收費每位10元。 

有興趣嘅基本基本會員可以係1月24日(星期五)下午3點至2月2日(星期日)下午3點，用Whatsapp或致電報名熱線2760 1162報名，每通電話可報1個人。名額6個，如果報名人數多過名額嘅話，就會進行抽籤，抽籤結果將會係2月3日(星期一)嘅熱線中公佈。 
 
如果有任何查詢，歡迎致電2760 0100同服務中心職員阿SA聯絡。