Hello Hello，唔知大家有無留意上星期台灣嘉義發生大地震，係香港都有過一百位市民向天文台報告感受到有震感呢? 香港成日都話係一片福利，好似好少大型天然災害，但不同種類意外其實都經常發生，例如幾年天水圍電纜橋大火導致多區停電停水、500年一遇嘅特大暴雨等等，如果真係應該到我地時可以如何應對呢? 事先又有無野預備工作可以做呢?

香港就有一位年青人張清風，佢成立左一個「香港求生及防災協會」，仲寫左一本有關防災心態、準備及各種情況中的應對嘅專書《港人防災必修科》，之前仲成為我地職教中心防災成教班嘅導師，嘗試與參加者設計配合視障朋友嘅防災準備及計劃。而黎緊2月19日星期三晚上作者更會來到我地職教中心做一個分享會，分享導讀佢本著作《港人防災必修科》，大家交流下如何建立應對特發事故嘅意識及平日可以做嘅準備工作。

活動當日大家除左可以透過Microsoft Teams網上參與，更加可以現場來到中心與作者交流啦。活動詳情如下：

日期：2月19日星期三；
時間：晚上7點半至9點；
地點：職教中心現場及網上同步進行。
現場名額15人，網上名額不限。

如果大家有興趣，可以於2月10號星期一或之前親臨或致電職教中心23372736報名，報名時請說明親身或網上參與或兩者皆可。如有查詢，歡迎聯絡Eddie傾吓架。希望到時見到大家啦。