各位會員朋友，賽馬會開聲體將於2月8日舉行足球體驗日，當日會由理工大學嘅學生帶領大家於烏溪沙青年新村同大家一齊踢足球，到時會講吓足球嘅規則、認識球場及裝備等，參加嘅你記得穿着合適嘅運動服啦！佢哋除咗好用心設計呢個體驗日比我哋之外， 2月16號仲會同我哋一齊入球場睇波，詳情可留意下一則通告。
活動日期： 2月8日（星期六）
集合時間及地點：下午一點四十五分於馬鞍山港鐵站A出口（第一個英文字母）大堂集合，
名額：15個，會員可帶同一位同行者參加，如報名人數超出名額，將會進行抽籤，
費用全免，有興趣嘅會員可於2月4日或之前致電3615 1045報名，抽籤結果會於2月6日熱線中公布。