大家好，嚟緊2月15日星期六上午我哋將會再次同香港小童群益會合作並與葵涌循道中學合辦飛鏢同樂日，佢地同學部分同大家一樣有學同無學過飛鏢。未玩過嘅當日會有專人教大家一齊學一齊體驗飛鏢運動，飛鏢老手又可以教下初學者及同識玩嘅比試一下。分組練習後更會伙拍自己組員同學及參加者對戰其他組進行一個小比賽，以鏢會友。如果有興趣，就記住留意以下活動詳情啦：

日期：2025年2月15日星期六；
集合及活動時間：上午9點30分荔景站A出口 (第一個英文字母) 閘外集合。我地將會坐的士前往會場 (車費由主辦單位支付)。活動早上10點正開始至約下午1點完結。之後自費乘坐小巴返回荔景站解散；
活動地點：葵涌循道中學；
名額：10位。
如報名人數超出名額，將會以抽籤決定參加者。中籤者將會收到通知。

活動費用全免。如果大家有興趣，可以於即日至2月7日星期五下午三點或之前中心開放時間內親臨或致電職教中心23372736報名。如有查詢歡迎聯絡Eddie架。希望到時見到大家啦。