中學生帶你整香水

各位會員大家好，我係啊揚呀，今次既活動係同五旬節林漢光中學合作帶大家去學校整香水同玩啲小遊戲。 香水，女會員整完可以自用，男會員整完都可以送俾身邊摯愛。而活動最後仲有福袋送俾大家。

活動會係4月25日星期六，上午10點至12點於五旬節林漢光中學舉行，首先10點會係大圍站B出口(即第2個英文字母)出閘位置集合坐旅遊巴前往學校，12點左右就會返地鐵站解散。本次活動限基本會員報名，活動費用全免。

有興趣嘅基本會員可以喺4月13日（星期一）下午3時至4月18日（星期六)下午6時，致電或whatapps報名熱線2760-1162報名 ，名額15個，每通電話可報2個人。如果參加者多過名額嘅話，活動就會進行抽籤，抽籤結果將會係4月20日(星期一)嘅熱線中公佈。

如有任何查詢，歡迎致電2760-0100與職員阿揚聯絡。