新西分區之團團年年  

各位新西嘅會員朋友大家好！嚟緊1月份就係團年啦！不如一齊食個團年飯慶祝啦！

活動會係1月20日(星期二)舉行，活動時間係晚上6點至8點，今次我地會去位於新界荃灣青山公路388號中染大廈7樓701-703號舖海港酒家食晚飯，參加者當日有兩個集合地點，第一個係下午5點正係美孚港鐵站內西鐵綫美孚月台往烏溪沙方向車頭位置集合 。第二個係下午5點30分係荃灣地鐵站A出口（第一個英文字母）出閘位集合 ，參加者報名個陣可以講低埋想係邊個位置集合，大約係晚上8點，就會返去荃灣港鐵站解散。

收費方面，會員每位$110，同行者每位$170，非會員每位$250。

當晚菜單如下：海港燒鵝皇、黃金蟹肉蝦球伊麵、百花炸釀蟹鉗、竹笙海皇燴燕窩、蝦籽雜菌炒海參、清蒸蝴蝶龍躉斑、港式避風塘鮑魚、金瑤扒豆苗、歡樂大蟠桃。  菜單內容或有更變一切以酒樓為準。

有興趣嘅新西分區會員可於12月23日(星期二)下午3點至1月2日(星期五)下午3點，用Whatsapp或致電報名熱線27601162報名，每個電話可以報2個人。名額24個，如果報名人數多過名額，就會進行抽籤。抽籤結果會係1月5日(星期一)的熱線中公佈。  有關組圍安排，將於抽籤結果當天一拼公佈，敬請留意！

如果有任何查詢，歡迎致電27600100同中心職員啊渝聯絡。