今年會員大會晚宴會喺8月3日(星期日)喺位於九龍觀塘開源道79號鱷魚恤中心6樓嘅玉桃軒舉行，時間係晚上嘅7點至大約9點。菜單方面，請留意下一則通告。收費方面︰如果在下午2點30或之前登記及出席會員大會嘅基本會員同贊助會員每位$190，反之，在下午2點30分後登記出席或無出席會員大會嘅會員、以及其4至18歲子女每位$260、同行者每位$320、非會員每位$500。

而會議方面，當日會員大會開始登記時間為下午1點30分，而會議將於下午2點至大約6點喺九龍觀塘翠屏道3號基督教家庭服務中心禮堂舉行，參加者可以喺當日下午1點15分至1點45分去到觀塘港鐵站D出口(即係第4個英文字母)出閘位置集合，我地會有義工同大家去到會場，而如果遲過1點45分到嘅話就請自行去到會議場地啦。記得留意2點半後到達會議場地嘅話收費會唔同架。

至於只係參加晚宴嘅會員朋友，就請喺當日晚上6點15分至6點30分去到觀塘港鐵站大堂A出口(即係第1個英文字母)出閘位置集合，逾時不候，敬請留意。或者可於晚上6點45或之前自行到鱷魚恤中心6樓嘅玉桃軒。

另外，如果當日的參加者有需要帶導盲犬或使用輪椅，或者需要喺地鐵站以外例如巴士站接送的話，麻煩盡早致電服務中心通知職員。

會員大會晚宴當日的活動電話係5930-1208。

如對上述有任何查詢，請致電服務中心2760-0100與各職員聯絡。