香港逸東酒店係一間相當特別嘅酒店，除左營運酒店之外，更推動多元化交流，為本地社區、創新及文化之士設立舞台。為響應6月全球「同志驕傲月」、及7月「身心障礙驕傲月」主題，逸東酒店舉行左一連串文化活動包括今次市集。今次市集係一個有關身心障礙、多元性別/性取向嘅文化市集，會售賣相關嘅獨立出版書籍、小誌、手作等產品。我地到達酒店之後先會由我哋中心讀書組成員盧勁馳為我地簡單介紹市集同埋有關酒店文化工作的特色，然後我地會行一行酒店特色嘅地方、之後先到酒店美食廣場一齊食個午飯，再一齊行市集。活動詳情如下：

日期：2025年7月13日 (星期日)；
時間：下午12點至3點半；
地點：香港逸東酒店1樓；
集合時間地點：中午12點正佐敦站B出口集合，活動後返回佐敦站解散；
活動名額：8位，報名時可連同1位同行者報名，或由中心安排義工。若報名人數超出限額，將會以抽籤決定參加者；
費用：全免。午餐將自費於酒店內美食廣場進膳。

如大家有興趣，可於7月8號星期二或之前於中心開放時間親臨或致電23372736報名，活動查詢請聯絡職教中心同事Eddie。除查詢此活動外亦歡迎查詢及加入我哋中心讀書組㗎。希望活動中見到大家啦。