各位會員大家好！我係阿揚呀，把握住最後既秋風涼意，又搵大家一齊行山啦。今次會同大家行初中級路線九龍水塘，路線會途經四個水塘，包括九龍副水塘，九龍接收水塘，石梨貝水塘，九龍水塘。需時大概兩至兩個半小時。鍾意行山嘅會員朋友，快啲把握機會報名喇。

活動會喺3月31日(星期二)舉行，活動時間會喺上午9點30分至大約下午1點，首先9點30會係深水埗港鐵站D出口(即第4個英文字母)出閘位置集合。之後行九分鐘乘搭72或81號巴士前往石梨貝水塘站開始步行。

請注意，會員需考慮自己的能力及身體狀況是否合適才參加，有興趣嘅會員可以係3月13號(星期五)下午3點至3月21號(星期六)下午3點，致電或Whatsapp到報名熱線2760 1162報名，每通電話可以報兩個人，名額12個，如果報名人數多過名額，活動就會進行抽籤，抽籤結果將會喺3月23號(星期一)熱線中公佈。

如果有任何問題，歡迎致電2760 0100同職員阿揚聯絡。