各位會員朋友大家好！ 大家期待嘅聯區活動又來啦，今次將會集合唔同分區嘅朋友仔，一齊去第一套有口述影像嘅賀歲喜劇，又同大家缸飲下茶，無論新朋友定舊朋友，都可以透過今次機會，同唔同分區嘅朋友互相認識。

活動會係3月30日(星期一)舉行，活動時間係上午10點20分至大約下午3點左右，參加者需要係活動當日上午9點45分，係觀塘港鐵站A出口(第1個英文字母)出閘位集合，到時我地會先行去位於九龍觀塘道418號創紀之城五期apm 6樓 L6-1舖的百老匯戲院睇戲，睇完戲之後就會去觀塘開源道79號鱷魚恤中心9樓的稻香.茶居飲茶，飲完茶就會返去觀塘港鐵站解散。收費方面，會員每位$90，非會員每位$195，同行者每位$130。,費用已經包括戲飛同午餐嘅價錢。

有興趣嘅會員朋友可於3月13日(星期五)下午5點至3月20日(星期五)下午5點，用Whatsapp或致電報名熱線2760 1162報名，每個電話可以報2個人。名額方面，新界東、新界西、港島及九龍西每區分別有13個名額，九龍東有23個名額，如果報名人數多過名額，活動就會進行抽籤，抽籤結果會係3月23日(星期一)熱線中公怖。

如果有任何查詢，歡迎致電2760 0100與服務中心職員阿Sa聯絡。

電影簡介：
2026年香港賀歲喜劇《夜王》由《毒舌大狀》導演吳煒倫執導，黃子華、鄭秀文領銜主演。故事講述在2012年，老牌「東日夜總會」面臨結業危機，經理歡哥（黃子華飾）與強勢回歸的前妻兼新CEO V姐（鄭秀文飾）強強聯手，帶領眾女公關轉型對抗大財團，是一場笑中帶淚的尖東存亡之戰。