各位會員朋友大家好！講到死亡同葬禮，大部分人都會覺「唔老嚟」，死亡係人生必經嘅階段，講到死大家又點睇呢？十二月嘅分區活動會同大家一齊去觀賞口述影像版本嘅破地獄，電影簡介會係通告尾段讀出，有興趣同我地一齊去破地獄嘅朋友就要留意啦：

活動會係12月17日(星期二)舉行，活動時間係上午10點30分至大約下午3點左右，參加者需要係活動當日上午9點30分，係荔枝角港鐵站A出口(第個英文字母)出閘位集合，到時我地會先行去位於九龍長沙灣道680號麗新商業中心地下嘅長沙灣戲院到睇戲，睇完戲之後就會去長沙灣長沙灣道681號貿易廣場嘅富臨酒家個到飲茶，飲完茶就會返去長沙灣港鐵站解散。收費方面，會員每位$80，非會員每位$195，同行者每位$130。

有興趣嘅會員朋友可於11月29日(星期五)下午3點至12月6日(星期五)下午3點，用Whatsapp或致電報名熱線2760 1162報名，每個電話可以報2個人。名額方面，新界東、新界西、港島及九龍西每區分別有10個名額，九龍東有14個名額，如果報名人數多過名額，活動就會進行抽籤，抽籤結果會係12月9日(星期一)熱線中公怖。

如果有任何查詢，歡迎致電2760 0100與服務中心職員思韻或Iris聯絡。

電影簡介：在疫情肆虐生意蕭條的背景下，婚禮策劃師道生被迫改行成為一名葬禮經紀人。起初因理念不合與喃嘸師傅文哥產生許多衝突，因面對一位特殊的逝者文哥的出手相助、親歷文哥與女兒文玥相處的點點滴滴，也慢慢改變着道生對職業及生活的態度。