長者活動：深水埗區茶聚

各位老友記會員大家好，嚟緊我地會走訪十八區，同各位老友記飲住早茶吹下水，等Annie同思韻可以認識大家，同埋了解大家嘅近況，大家又可以就住長者服務嘅發展比返D意見我地。每個區嘅長者茶聚只限住係個一區，60歲或以上嘅基本會員，其贊助會員或同行者參加。

今次我地會去深水埗區做長者茶聚，住係深水埗區嘅老友記會員就要留意啦：

活動會係12月20日(星期五)舉行，我地會去石硤尾南昌街美彩樓地下嘅多彩皇宮飲茶，參加者需要係活動當日上午9點45分，係石硤尾港鐵站A出口 (第一個英文字母) 出閘位集合，然後我地會一齊行去酒樓。大約中午12點，會返去石硤尾港鐵站解散。

收費方面，60歲或以上基本會員或贊助會員每位$45，同行者每位$85。

有興趣嘅深水埗區長者會員可以喺12月3日(星期二)下午3點至12月11日(星期三)下午3點，用Whatsapp或致電報名熱線2760 1162報名，每個電話可以報2個人。名額23個，如果報名人數多過名額，就會進行抽籤。抽籤結果會係12月12日(星期四)的熱線中公佈。

如果有任何查詢，歡迎致電2760 0100同中心職員 Annie或思韻聯絡。