各位會員大家好！嚟緊會有由康文署主辦，本會協辦嘅箭藝同樂日，比大家體驗下射箭嘅玩法同埋樂趣。 對射箭有興趣嘅朋友快D黎報名喇，到時睇下邊個係神射手啦！

康文署之箭藝同樂日活動會係2024年12月20號(星期五)舉行，活動時間係上午10點至中午12點，地點喺位於屯門龍門路54號嘅屯門康樂體育中心。活動費用全免，歡迎本會基本會員參加。參加者需要係活動當日上午9點，係黃大仙港鐵站D出口(第四個英文字母)出閘位集合。我地會乘搭旅遊巴前往屯門康樂體育中心，而活動完咗之後，就會搭返旅遊巴返黃大仙港鐵站解散。

有興趣嘅基本會員可以係2024年12月3日(星期二)下午3點至12月10日(星期二)下午3點，致電或者WhatsApp報名熱線2760-1162報名，每通電話可報1個人。名額14個，如果報名人數多過名額，活動就會進行抽籤，抽籤結果將會係12月12日(星期四)嘅熱線中公佈。

如有任何查詢，歡迎致電2760-0100與職員阿彬聯絡。