Hello Hello大家好，又係Eddie介紹職教中心活動嘅時間喇。今次我哋會同香港地貌岩石保育協會喺嚟緊12月15號星期日合辦一個沙頭角鴨洲文化地質一日遊嘅活動。

沙頭角位於香港新界北區，與內地深圳市鹽田區接壤，於1951年被列為邊境禁區。隨住該區逐步開放，申請禁區證後可深入認識沙頭角歷史文化、自然風光。而鴨洲被列為聯合國教科文組織世界地質公園，我地會探索褐紅色角礫岩嘅前世今生，一齊打下卡咁。我哋更有香港地貌岩石保育協會專業導賞，除左可以一齊享受大自然，仲可以了解更多當日風土人情添。

活動當日12月15號星期日早上九點正喺石硤尾站C出口地面集合，上旅遊巴先到沙頭角禁區，分組導賞參觀及自費於當地餐廳食午餐後，下午會坐船參觀鴨洲。大約下午3點45分坐船回航，大約下午5點旅遊巴返回石硤尾站解散。除咗需要自費午餐外，呢個活動費用全免。

呢個活動名額有12位，可連同一位同行者報名，或主辦單位安排義工同行。截止報名日期係12月7號星期六。如果報名人數超過活動名額，會以抽籤決定最終參加者。有興趣報名歡迎於中心開放時間內親臨或致電職教中心2337 2736報名。如有查詢都歡迎揾Eddie傾傾㗎。大家快啲報名啦。