大埔宏福苑火災事件發生之後嘅呢個幾禮拜大家過得點？相信大家嘅情緒唔多唔少都會受到影響，你可能會覺得好唔安落，個心哽住哽住。呢d情緒都應該要被好好照顧，為此，協進會特別舉辦 大埔災後情緒接納與自我關懷工作坊，希望透過呢個工作坊比大家可以學習照顧內在嘅情緒，互相支持。

大埔災後情緒接納與自我關懷工作坊會係12月13日(星期六)下午2點開始，工作坊會有兩個部份，第一個部份會係下晝兩點至四點喺愛民服務中心進行分享會，我地會透過情緒舒緩練習，同埋分享一啲應對情緒嘅小貼士，希望讓大家可以互相支持，重獲穩定同力量。

第二個部份會係下晝四點至六點，呢個時段我哋想比一d如果想留低傾下計或者想一齊有啲悼念行動嘅會員朋友有個空間傾吓可以點做，呢一個部份係自由參與，可以因應自己嘅狀態選擇參唔參與。例如可以考慮一齊前往大埔獻花或默哀，若當時已不設獻花位置，亦可以係鄰近地方放下花束並默哀；又或者留係中心寫下心聲，作為活動嘅完結。

參加者當日如需要係地鐵站接送到中心，可以係活動當日下午1點半係何文田港鐵站A出口(近美心餅店位置)集合。活動費用全免。

有興趣的會員或照顧者可以係12月8日(星期一)下午3點至12月12日(星期五)下午3點，用Whatsapp或致電報名熱線2760 1162向服務中心報名，亦可以親臨或致電職教中心23372736報名，每個電話可報2個人。

暫定名額20個。如果報名人數多過名額，我哋會因應需要考慮開多場。

無論你係唔係直接受事件影響，如果最近感到壓力、焦慮或心緒不寧，都歡迎你參與，一齊係安全的環境中學習照顧自己、彼此支持。

如果有任何查詢，歡迎致電2760 0100與服務中心職員IRIS或致電2337 2736 與職教中心Kylie聯絡。