各位會員朋友大家好，體育口述影像活動返嚟啦！Oscar誠邀各位一起入場睇港超聯榜首大戰傑志對理文。

活動將於2月15日（星期日）舉行，參加者請喺活動當日下午5點到達坑口港鐵站B出口（即第二個英文字母）嘅出閘位置集合，然後前往將軍澳運動場睇波，賽事將會提供體育口述影像俾各位參加者。活動約晚上8時結束，由職員和義工陪同返回坑口港鐵站解散。

活動費用全免，有興趣嘅會員可以喺2月6日（星期五）下午3時至2月10日（星期二）下午3時，透過WhatsApp或致電報名熱線2760 1162報名，會員可以帶同一位同行者出席，每通電話可以報兩位會員。活動名額共15個，如報名人數超出參加名額，活動將會進行抽籤，抽籤結果將於2月12日（星期四）熱線通告中公佈。

如有任何查詢，歡迎致電2760 0100與職員Oscar或子健聯絡。