Hello Hello大家好，好快 2月中就係農曆新年啦，唔知大家有無行下年宵市場辦年貨嘅習慣嘅呢? 黎緊2月12號星期四下午我地會有一個同遊大埔年宵市場嘅活動。今次活動與香港小童群益會眾心行善計畫及大埔仁濟醫院蔡衍濤小學，會有師長等成人帶領同學們分組同大家一齊行年宵辦年貨，一邊行一邊行下計互相認識下。

活動詳情如下：
活動日期：2026年2月12日 (星期四)；
活動時間：下午2點45分至4點15分；
活動地點︰大埔年宵市場，位於大埔大元邨旁天后宮風水廣場；
集合時間地點：下午2點20分大埔墟港鐵站A出口 (第一個英文字母) 集合，將會乘坐旅遊巴到年宵市場；4點15分活動完結後乘坐旅遊巴返回大埔墟站解散；
名額：6至10位基本會員。如超出名額將會抽籤決定最終參加者。

活動費用全免。如有興趣報名可於即日至2026年2月6日星期五或之前親臨或致電職教中心23372736報名。如對活動安排有任何查詢歡迎聯絡活動負責同事Eddie架。希望活動當日見到你啦！